എം കെ പി മാവിലായി

മഴക്കാലങ്ങളിൽ പറമ്പുകളിൽ ചെയ്യുന്ന നെൽകൃഷി പൊതുവെ കരകൃഷി, പറമ്പു കൃഷി, മോടൻ കൃഷി എന്നീ പേരുകളിലാണറിയപ്പെടുന്നത്.
ഏറ്റവും അനുയോജ്യമായ നെല്ലിനങ്ങൾ തെരഞ്ഞെടുക്കുക എന്നത് കൃഷിയുടെ വിജയത്തിന് അത്യന്താപേക്ഷിതമാണ്.
വരൾച്ചയെ പ്രതിരോധിക്കാനുളള കഴിവ്,
വർധിച്ച ഉൽപ്പാദന ശേഷി,
താരതമ്യേന മൂപ്പ് കുറവ്,
ഒരു പരിധി വരെ രോഗ – കീട പ്രതിരോധ ശേഷി ,
കളകളെ നല്ലപോലെ അതിജീവിച്ച് വളരാനുളള കരുത്ത്
എന്നിവ പ്രധാന ഘടകങ്ങളാണ്.
കേരള കാർഷിക സർവ്വകലാശാല ശുപാർശ ചെയ്യുന്നതും പരമ്പരാഗത കർഷകരുടെ അനുഭവങ്ങളിലൂടെ മികച്ചതെന്ന് കണ്ടെത്തിയതുമായ ഇനങ്ങളാണ് താഴെ കാണിച്ചവ :
അന്നപൂർണ്ണ
ഐശ്വര്യ
മട്ടത്രിവേണി
സ്വർണ്ണപ്രഭ
രോഹിണി
ഹർഷ
വൈശാഖ്
രമണിക
കാർത്തിക
അരുണ
ചിങ്ങം
ഓണം
രേവതി
മകം
വർഷ
ജ്യോതി
സംയുക്ത
കട്ടമോടൻ
കറുത്ത മോടൻ
ചുവന്ന മോടൻ
സുവർണ മോടൻ
കൊച്ചു വിത്ത്
കരുവാള
ചിറ്റേനി
ചെങ്കയമ
ചീര
ചെമ്പാൻ
വെളിയൻ
എന്നിവ.
ഇതിന് പുറമെ ഔഷധ നെല്ലിനമായ ഞവരനെല്ലും കരകൃഷിക്ക് നന്നായി ഇണങ്ങും.
ഒരു ഏക്കർ സ്ഥലത്തേക്ക് 35 കി.ഗ്രാം വിത്ത് ആവശ്യമായി വരും. ഒരു കി. ഗ്രാം വിത്തിന് 10 ഗ്രാം എന്ന തോതിൽ സ്യൂഡോമോണസ് വിത്തുമായി കലർത്തി നന്നായി കുഴച്ചതിനു ശേഷം തണലത്ത് 12 മണിക്കൂർ സൂക്ഷിച്ച ശേഷം തയ്യാറാക്കിയ കൃഷിയിടങ്ങളിൽ വിതക്കാം.

ചക്ക വിശേഷം

പൊട്ടാസ്യം ധാരാളം; ഹൃദയ സംരക്ഷണത്തിനു ചക്ക:-
വി​റ്റാ​മി​നു​ക​ൾ, ധാ​തു​ക്ക​ൾ, ഇ​ല​ക്ട്രോ​ളൈ​റ്റു​ക​ൾ, ഫൈ​റ്റോ ന്യൂ​ട്രി​യ​ൻ​റു​ക​ൾ, കാ​ർ​ബോ​ഹൈ​ഡ്ര​റ്റു​ക​ൾ, നാ​രു​ക​ൾ, കൊ​ഴു​പ്പ്, പ്രോട്ടീ​ൻ തു​ട​ങ്ങി മ​നു​ഷ്യ​ശ​രീ​ര​ത്തി​നാ​വ​ശ്യ​മാ​യ ഒട്ടുമി​ക്ക പോ​ഷ​ക​ങ്ങ​ളും ച​ക്ക​യിലു​ണ്ട്. ​

വിളർച്ച തടയാൻ

ച​ക്ക​പ്പ​ഴ​ത്തി​ലെ ഇ​രു​മ്പ് വി​ള​ർ​ച്ച ത​ട​യു​ന്ന​തി​നു ഫ​ല​പ്ര​ദം. തൈ​റോ​യ്ഡ് ഗ്ര​ന്ഥി​യു​ടെ മെ​ച്ച​പ്പെട്ട പ്ര​വ​ർ​ത്ത​ന​ത്തി​നു ച​ക്ക​പ്പ​ഴ​ത്തി​ലെ കോ​പ്പ​ർ സ​ഹാ​യ​കം. ച​ക്ക​പ്പ​ഴ​ത്തി​ലെ ഫൈ​റ്റോ ന്യൂ​ട്രി​യ​ന്‍റു​ക​ൾ ച​ർ​മ​സം​ര​ക്ഷ​ണ​ത്തി​നു സ​ഹാ​യ​കം. ച​ക്ക​പ്പ​ഴ​ത്തി​ലെ മാം​ഗ​നീ​സ് ര​ക്ത​ത്തി​ലെ പ​ഞ്ച​സാ​ര​യു​ടെ അ​ള​വു നി​യ​ന്ത്രി​ക്കു​ന്ന​തി​നു സ​ഹാ​യ​കം. ആസ്ത്മ നിയന്ത്രണത്തിനും ചക്ക വിഭവങ്ങൾ ഫലപ്രദം.

കണ്ണുകളുടെ ആരോഗ്യത്തിന്

ക​ണ്ണു​ക​ളു​ടെ ആ​രോ​ഗ്യ​ത്തി​നും ച​ക്ക​പ്പ​ഴം ഗു​ണ​പ്ര​ദം. നി​ശാ​ന്ധ​ത ത​ട​യു​ന്നു. ച​ക്ക​പ്പ​ഴ​ത്തി​ലെ വി​റ്റാ​മി​ൻ എ ​പോ​ലെ​യു​ള​ള ആ​ന്‍റിഓ​ക്സി​ഡ​ന്‍റുക​ൾ കാî​ഴ്ച​ശ​ക്തി മെ​ച്ച​പ്പെ​ടു​ത്തു​ന്നു. തി​മിര​സാ​ധ്യ​ത കു​റ​യ്ക്കു​ന്നു. മാ​കു​ലാ​ർ ഡി​ജന​റേ​ഷ​നി​ൽ നി​ന്നു ക​ണ്ണു​ക​ൾ​ക്കു സം​ര​ക്ഷ​ണം ന​ല്കു​ന്നു. റെ​റ്റി​ന​യു​ടെ ആ​രോ​ഗ്യം നി​ല​നി​ർ​ത്തു​ന്നു.

ഹൃദയാരോഗ്യത്തിന്

ച​ക്ക​യിലെ വി​റ്റാ​മി​ൻ ബി 6 ​ഹൃ​ദ​യ​ത്തി​നു സം​ര​ക്ഷ​ണം ന​ല്കു​ന്നു. 100 ഗ്രാം ചക്കയിൽ 303 മില്ലിഗ്രാം പൊട്ടാസ്യമുണ്ട്. പൊട്ടാസ്യം ശ​രീ​ര​ത്തി​ലെ ഫ്ളൂ​യി​ഡ്, ഇ​ല​ക്ട്രോ​ളൈ​റ്റ് നി​ല സ​ന്തു​ല​നം ചെ​യ്യു​ന്ന​തി​നു സ​ഹാ​യ​കം. ശ​രീ​ര​ത്തി​ലെ സോ​ഡി​യ​ത്തിന്‍റെ അ​ള​വു നി​യ​ന്ത്രി​ക്കു​ന്നു. ഉ​യ​ർ​ന്ന ര​ക്ത​സമ്മ​ർ​ദം കു​റ​യ്ക്കു​ന്ന​തി​നു സ​ഹാ​യി​ക്കു​ന്നു. സ്ട്രോ​ക്ക്, ഹൃ​ദ​യ​രോ​ഗ​ങ്ങ​ൾ എ​ന്നി​വ​യ്ക്കു​ള​ള സാ​ധ്യ​ത കു​റ​യ്ക്കു​ന്നു.

എല്ലുകളുടെ കരുത്തിന്

എ​ല്ലു​ക​ളു​ടെ നാ​ശം ത​ട​യു​ന്ന​തി​നും പേ​ശി​ക​ൾ, നാ​ഡി​ക​ൾ എ​ന്നി​വ​യു​ടെ ആ​രോ​ഗ്യ​ത്തി​നും പൊട്ടാ​സ്യം സ​ഹാ​യ​കം. കാ​ൽ​സ്യ​ത്തിന്‍റെ ആ​ഗി​ര​ണ​ത്തി​നു സ​ഹാ​യ​ക​മാ​യ മ​ഗ്നീ​ഷ്യം ച​ക്ക​പ്പ​ഴ​ത്തി​ൽ അ​ട​ങ്ങി​യി​രി​ക്കു​ന്നു. ശരീരത്തിൽ നിന്നു കാൽസ്യം നഷ്ടം ഒഴിവാക്കു ന്നതിനു ചക്ക സഹായകം. മു​റി​വു​ക​ളു​ണ്ടാ​കു​ന്പോ​ൾ ര​ക്തം കട്ട ​പി​ടി​ക്കു​ന്ന​തി​നു കാ​ൽ​സ്യം സ​ഹാ​യ​കം. എ​ല്ലു​ക​ളു​ടെ​യും പ​ല്ലു​ക​ളു​ടെ​യും വ​ള​ർ​ച്ച​യ്ക്കും ക​രു​ത്തി​നും കാ​ൽ​സ്യം അ​വ​ശ്യം. കാ​ൽ​സ്യം പ്രാ​യ​മാ​യ​വ​രി​ലു​ണ്ടാ​കു​ന്ന ഓ​സ്റ്റി​യോ​പൊ​റോ​സി​സ് എ​ന്ന എ​ല്ലു​രോ​ഗം ത​ട​യു​ന്നു.

മ​ന​സി​നും മ​സി​ലി​നും ച​ക്ക​ക്കു​രു

പ്രോ​ട്ടീ​ൻ, വി​റ്റാ​മി​ൻ ബി, ​പൊ​ട്ടാ​സ്യം എ​ന്നി​വ​യു​ടെ വ​ലി​യ ശേ​ഖ​രം ച​ക്ക​യി​ലു​ണ്ട്. ച​ക്ക​യു​ടെ കു​രു​വി​ൽ ത​യ​മി​ൻ, റൈ​ബോ​ഫ്ളാ​വി​ൻ എ​ന്നി​വ ധാ​രാ​ളം. നാം ​ക​ഴി​ക്കു​ന്ന ആ​ഹാ​ര​ത്തെ എ​ന​ർ​ജി​യാ​ക്കി മാ​റ്റു​ന്ന​തി​നും ക​ണ്ണു​ക​ൾ, ച​ർ​മം, ത​ല​മു​ടി എ​ന്നി​വ​യു​ടെ ആ​രോ​ഗ്യ​സം​ര​ക്ഷ​ണ​ത്തി​നും ഇ​വ സ​ഹാ​യ​കം. സി​ങ്ക്, ഇ​രു​മ്പ്,കാ​ൽ​സ്യം, കോ​പ്പ​ർ, പൊ​ട്ടാ​സ്യം, മ​ഗ്നീ​ഷ്യം എ​ന്നീ പോ​ഷ​ക​ങ്ങ​ളും ച​ക്ക​ക്കു​രു​വി​ൽ ചെ​റി​യ തോ​തി​ൽ അ​ട​ങ്ങി​യി​ട്ടു​ണ്ട്.

മാ​ന​സി​ക പി​രി​മു​റു​ക്കം നി​യ​ന്ത്രി​ക്കു​ന്ന​തി​നും ച​ക്ക​ക്കു​രു​വി​ലെ പ്രോ​ട്ടീ​നും സൂ​ക്ഷ്മ​പോ​ഷ​ക​ങ്ങ​ളും സ​ഹാ​യ​കം. ച​ക്ക​ക്കു​രു​വി​ൽ ഇ​രു​മ്പ് ധാ​രാ​ളം. വി​ള​ർ​ച്ച ത​ട​യു​ന്ന​തി​നു ഇ​രു​മ്പ് സ​ഹാ​യ​കം. ഹൃ​ദ​യ​ത്തി​ന്‍റെ​യും ത​ല​ച്ചോ​റി​ന്‍റെ​യും ആ​രോ​ഗ്യ​ത്തി​നും ഇ​രു​ന്പ് സ​ഹാ​യ​കം. ച​ക്ക​ക്കു​രു​വി​ലു​ള്ള വി​റ്റാ​മി​ൻ എ ​ക​ണ്ണു​ക​ളു​ടെ ആ​രോ​ഗ്യ​ത്തി​നു ഗു​ണ​പ്ര​ദം. നാ​രു​ക​ൾ ധാ​രാ​ള​മു​ള്ള​തി​നാ​ൽ മ​ല​ബ​ന്ധം ഒ​ഴി​വാ​ക്കു​ന്ന​തി​നും ച​ക്ക​ക്കു​രു വി​ഭ​വ​ങ്ങ​ൾ സ​ഹാ​യ​കം. ച​ക്ക​ക്കു​രു​വി​ൽ ഉ​യ​ർ​ന്ന തോ​തി​ൽ അ​ട​ങ്ങി​യ പ്രോ​ട്ടീ​ൻ പേ​ശി​ക​ളു​ടെ ആ​രോ​ഗ്യ​ത്തി​നു ഗു​ണ​പ്ര​ദം.

എം കെ പി മാവിലായി

ശാസ്ത്രീയമായ രീതിയിൽ ജൈവ വളങ്ങളും രാസവളങ്ങളും നൽകിയാൽ നേന്ത്രവാഴ കൃഷിയിൽ നിന്നും പരമാവധി ആദായമുണ്ടാക്കാനാവും.
വാഴ നട്ട് എട്ട് മാസം കഴിഞ്ഞാണ് കുല പുറത്ത് വരുന്നതെങ്കിലും കുലയുടെ വലിപ്പവും കായ്കളുടെ എണ്ണവും നിശ്ചയിക്കപ്പെടുന്നത് വാഴയുടെ ശൈശവ ദശകളിലാണ്. വാഴ നട്ട് കഴിഞ്ഞ് അഞ്ച് മുതൽ ആറ് മാസം വരെയുള്ള വളർച്ച പിൽക്കാല വിളവിന്റെ അളവിനെ സാരമായി ബാധിക്കുമെന്നു കണ്ടിട്ടുണ്ട്. വാഴക്കന്നു നട്ടു അഞ്ച് മാസം കഴിയുമ്പോൾ പൂങ്കുല മുകുളത്തിന്റെ ആരംഭം നടക്കും. ഈ സമയത്ത് വാഴമാണത്തിൽ പരമാവധി ആഹാരം ശേഖരിച്ചിരിക്കുകയും ചുവട്ടിലെ തണ്ടുവണ്ണം ഏറ്റവും വർദ്ധിച്ചിരിക്കുകയും പരമാവധി ഇലകൾ ഉണ്ടായിരിക്കുകയും ചെയ്യുന്നത് ഏറ്റവും വലിയ കുല ഉൽപാദിപ്പിക്കുവാൻ സഹായകമായിരിക്കും.

വാഴ നടുന്ന സ്ഥലത്തെ പുളിരസം കുറക്കാൻ വാഴയൊന്നിന് അര കി.ഗ്രാം കുമ്മായം ഇടുന്നത് നല്ലതാണ്. നടുന്ന സമയത്തോ അല്ലെങ്കിൽ നട്ട് ഒരു മാസത്തിനുള്ളിലോ 10 കി.ഗ്രാം കാലിവളമോ, കംബോസ്റ്റോ, പച്ചിലയോ ചേർത്ത് കൊടുക്കണം.പച്ചില വളത്തിനായി ഒരു വാഴക്ക് 15 ഗ്രാം എന്ന തോതിൽ പയർ വിത്ത് വാഴ നടുന്ന അവസരത്തിൽ വിതച്ചു കൊടുത്താൽ ഒരു മാസത്തിനു ശേഷം പയർച്ചെടിയിൽ നിന്നും ആവശ്യമായ പച്ചിലവളം ലഭിക്കും.ജൈവ വളം, കുമ്മായം എന്നിവ നൽകുന്നതിനു പുറമേ പ്രധാന സസ്യപോഷകങ്ങളായ എൻ.പി.കെ. യഥാക്രമം 190:115: 300 ഗ്രാം എന്ന തോതിൽ വിവിധ ഗഡുക്കളായി നൽകണം.നേന്ത്രൻ വാഴ കൃഷിയിൽ പല കർഷകരും കേരള കാർഷിക സർവ്വകലാശാല നിർദ്ദേശിക്കുന്ന മേൽ കാണിച്ച അളവിന്റെ നാലഞ്ച് മടങ്ങ് കൂടുതൽ രാസവളങ്ങൾ ഉപയോഗിക്കുന്നതായി കണ്ടിട്ടുണ്ട്. ഇത് കൃഷി ചെലവ് വർദ്ധിപ്പിക്കുന്നതിന് പുറമേ മണ്ണിന്റെ ഘടന മോശമാക്കുന്നതിനും, ചെടിയുടെ രോഗപ്രതിരോധ ശേഷി കുറക്കുന്നതിനും സാധ്യതയുണ്ടാക്കുന്നു. വാഴ പലവിധ രോഗകീട ബാധകൾക്കും ഇത് വിധയമാക്കും.

നേന്ത്രൻ വാഴക്ക് ആറ് തവണകളായാണ് രാസവളപ്രയോഗം നടത്തേണ്ടത്. മിക്സ്ച്ചർ, കോംപ്ലക്സ് വളങ്ങൾ കൂടി ഉപയോഗപ്പെടുത്തി മേൽ കാണിച്ച പോഷകങ്ങൾ കണക്കാക്കി നൽകാമെങ്കിലും ഏറ്റവും ലാഭകരമായ രീതിയിൽ വളപ്രയോഗം നടത്താൻ താഴെ കാണിച്ച നേർ വളങ്ങൾ ഉപയോഗപ്പെടുത്തുന്നതാണ് നല്ലത്.നട്ട് ഒരു മാസം കഴിഞ്ഞു 90 ഗ്രാം യൂറിയ, 300 ഗ്രാം രാജ് ഫോസ് അല്ലെങ്കിൽ മസൂറിഫോസ്,100 ഗ്രാം മ്യൂറേറ്റ് ഓഫ് പൊട്ടാഷ് എന്നിവ നൽകണം.നട്ട് രണ്ട് മാസം കഴിഞ്ഞ് രണ്ടാമത്തെ വള പ്രയോഗം നടത്തണം. ഈ സമയത്ത് യൂറിയ 65 ഗ്രാം, രാജ്ഫോസ് അല്ലെങ്കിൽ മസൂറിഫോസ് 275 ഗ്രാം, മ്യൂറേറ്റ് ഓഫ് പൊട്ടാഷ് 100 ഗ്രാം എന്ന അളവിൽ നൽകണം.
തുടർന്ന് മൂന്നാമാസത്തിലും , നാലാമാസത്തിലും , അഞ്ചാമാസത്തിലും 65 ഗ്രാം യൂറിയ, 100 ഗ്രാം പൊട്ടാഷ് എന്നിവ നൽകണം.
കുല പുറത്ത് ചാടുന്ന സമയത്ത് 65 ഗ്രാം യൂറിയ നൽകണം.
ഇപ്രകാരം ഗഡുക്കളായി നൽകാൻ ഒരു വാഴക്ക് ആകെ ആവശ്യമായ രാസവളം
യൂറിയ : 415 ഗ്രാം,
മസൂറി / രാജ്ഫോസ് : 575 ഗ്രാം,
മ്യൂറേറ്റ് ഓഫ് പൊട്ടാഷ് : 500 ഗ്രാം
എന്നീ അളവിലായിരിക്കും.
മണ്ണ് പരിശോധനയുടെ അടിസ്ഥാനത്തിൽ ഇതിൽ ആവശ്യമായ ഭേദഗതി വരുത്താവുന്നതാണ്.
രാസവളങ്ങൾ ഒഴിവാക്കുന്ന പക്ഷം പകരം സാന്ദ്രീകൃത ജൈവ വളങ്ങളായ പിണ്ണാക്ക് വളങ്ങൾ, എല്ലുപൊടി തുടങ്ങിയവ എന്നിവ ഉപയോഗപ്പെടുത്തി ആവശ്യമായ പോഷകങ്ങൾ ലഭ്യമാക്കാനാവും.