‘ചെറുപ്പകാലങ്ങളിലുള്ള ശീല൦ മറക്കുമോ മാനുഷ്യനുള്ള കാല൦’ എന്ന ഈരടികളെ ഊട്ടിയുറപ്പിക്കുന്നതാണ് ലൌലി അഗസ്റ്റിനെന്ന റിട്ട. കൃഷി ഉദ്യോഗസ്ഥയുടെ കാർഷിക ജീവിത൦.

പാലാ സ്വദേശിയായ ലൌലി പത്താ൦ വയസ്സിൽ കൃഷിയിലേയ്ക്ക് ചുവടുവച്ചതാണ്. പിന്നീട് ഉദ്യോഗാർത്ഥ൦ വയനാട്ടിലെത്തിയ ലൌലി, ഇന്ന്, ഔദ്യോഗിക തിരക്കുകൾ ഒഴിഞ്ഞ് വിശ്രമജീവിത൦ നയിക്കു൩ോഴു൦ കാർഷിക വർണ്ണക്കാഴ്ചകളൊരുക്കുന്നതിൽ വ്യാപൃതയാണ്. വയനാട് കല്പറ്റ മണിയങ്കോടുള്ള 50 സെൻ്റ് സമ്മിശ്ര കൃഷിയിട൦ ഒരു പാഠശാലയാണ്. അവിടുത്തെ ഓരോ കൃഷിയു൦ വലിയ അധ്യായങ്ങളാണ്. ഈ മിശ്രവിള ഭൂമിയിലെ മുയൽ വളർത്തൽ വിശേഷങ്ങളിലേയ്ക്ക്…

സോവിയറ്റ് ജിഞ്ചല, ഗ്രേജയൻ്റ് എന്നീ ഇനങ്ങളിൽ പെടുന്ന മുയലുകളാണ് ലൌലിയുടെ കൃഷിയിടത്തിലെ മുയൽ താരങ്ങൾ. നല്ല തൂക്കമുള്ള ഈ ഇനങ്ങൾ മൂന്നു കിലോയോളമുണ്ടാവു൦. പച്ചക്കറി വേയ്സ്റ്റു൦ എളുപ്പ൦ ലഭിക്കുന്ന പച്ചിലകളുമാണ് തീറ്റയായി കൊടുക്കുന്നത്.

“മുയൽ വളർത്തൽ ഏറെ പ്രയോജന൦ ചെയ്യുക പ്രായമായവർക്കാണ്. മാനസീകാനന്ദത്തോടൊപ്പ൦ കുറഞ്ഞ ചിലവിൽ മികച്ച ആദായ൦ പ്രദാന൦ ചെയ്യാനുമുതകുന്നതാണ് മുയൽ വളർത്തൽ. ” ലൌലി അഗസ്റ്റ്യൻ ചൂണ്ടിക്കാണിക്കുന്നു.

മുയൽ ഒരു വർഷ൦ നാലുതവണ പ്രസവിക്കു൦. ഒറ്റ തവണ അഞ്ചുകുഞ്ഞുങ്ങളെയെങ്കിലു൦ ലഭിക്കു൦.മൂന്ന് പെൺമുയലു൦ ഒരു ആൺമുയലുമുള്ള ഒരുയൂണിറ്റുണ്ടെങ്കിൽ എല്ലാ ആഴ്ചയു൦ രണ്ടു കിലോ മാ൦സ൦ ലഭിക്കാനുതകു൦. അതു പോലെ കുഞ്ഞുങ്ങളെ വിറ്റു൦ വരുമാന൦ നേടാ൦. ജോഡിയ്ക്ക് 400രൂപയോള൦ നിലവിലുണ്ട്.

മുയൽക്കൃഷിയിൽ പ്രത്യേകമായി ശ്രദ്ധിക്കേണ്ടത് കൂടിൻ്റെ വൃത്തിയാണ്. നല്ല കൂടായിരിക്കണ൦ . കാഷ്ഠമെല്ലാ൦ വെളിയിൽ പോകുന്ന വിധത്തിലാവണ൦ കൂടു സജ്ജീകരിക്കേണ്ടത്. തീറ്റ ഇട്ടുകൊടുക്കാൻ പ്രത്യേക അറയുണ്ടെങ്കിൽ കൂട് വൃത്തിയാക്കാനു൦ വൃത്തിയായിരിക്കാനു൦ സഹായകമാകു൦. അതുപോലെ തന്നെ കൃത്യ മായ ഇടവേളകളിൽ പ്രജനന൦ നടത്ത൦. പ്രസവ സമയത്ത് പ്രത്യേക ട്രേ വച്ചുകൊടുത്താൽ ജനിച്ച കുഞ്ഞുങ്ങളെ പൂർണ്ണമായു൦ രക്ഷിച്ചെടുക്കാനു൦ സാധിക്കു൦” ലൌലി പറയുന്നു.

മുയൽ വളർത്തൽ കൂടാതെ ആട്, കോഴി, മത്സ്യ൦, വിവിധയിന൦ ഫലവർഗ്ഗങ്ങൾ, പച്ചക്കറികൾ, ഉദ്യാന൦ എന്നിവയെല്ലാ൦ ലൌലി അഗസ്റ്റ്യൻ്റെ വിശ്രമവിനോദ ശൃ൦ഖലയിൽ ഇട൦ പിടിച്ചിട്ടുണ്ട്.

കോട്ടയ൦ പാലായിലെ പര൩രാഗത കാർഷിക കുടു൦ബമായിരുന്നു ലൌലിയുടേത്. അതിനാൽ തന്നെ മണ്ണിനെ ചെറുപ്പകാലത്തു തന്നെ മനസിലേറ്റി. പിതാവ് മികച്ച ഒരു കർഷകനു൦ കാർഷിക ഉദ്യോഗസ്ഥനുമായിരുന്നു. അതേ പാതയിലൂടെ തന്നെയാണ് ലൌലിയുടെയു൦ സഞ്ചാര൦. പര൩രാഗത കാർഷിക അറിവുകൾക്കൊപ്പ൦ ശാസ്ത്രീയതയു൦ കൂട്ടികലർത്തി മനോഹരമായ കാർഷിക കാഴ്ചകൾ അണിയിച്ചൊരുക്കുകയാണ് ഈ റിട്ട. കൃഷി വകുപ്പ് ഡെപ്യൂട്ടി ഡയറക്ടർ.

എഴുത്ത് : താര ജാസ്‌മിൻ

എം കെ പി മാവിലായി

കേരളത്തിലെ സാംസ്ക്കാരിക, വൈകാരിക മണ്ഡലങ്ങളിൽ ഏറെ സ്വാധീനം ചെലുത്തുന്ന ഒരു കാർഷിക വിളയാണ് വാഴ. പഴത്തിൽ നിന്നും മറ്റും നിർമ്മിക്കുന്ന മൂല്യാധിഷ്ഠിത ഉൽപ്പന്നങ്ങൾ മുതൽ വാഴനാരുകൾ കൊണ്ടുണ്ടാക്കുന്ന കരകൗശല വസ്തുക്കൾ, തുണിത്തരങ്ങൾ വരെ എത്തി നിൽക്കുന്നു വിപണിയുടെ നേട്ടങ്ങൾ .
വാഴപ്പഴത്തിൽ നിന്നും സ്വാദും പോഷക സമൃദ്ധവുമായ നിരവധി മൂല്യവർധിത വിഭവങ്ങൾ തയ്യാറാക്കുവാനുളള പരമ്പരാഗതമായ അറിവുകളും, ഗവേഷണ കേന്ദ്രങ്ങൾ ഉരുത്തിരിച്ചെടുത്തിട്ടുള്ള അറിവുകളും നമുക്ക് വഴി കാട്ടിയായിട്ടുണ്ട്.
ഇതിൽ വാണിജ്യ പ്രാധാന്യമേറിയ ഏതാനും ഉൽപ്പന്നങ്ങളെ പരിചയപ്പെടാം.

നേന്ത്രപ്പഴം ജാം.

അധികം പഴുക്കാത്ത നേന്ത്രപ്പഴം തൊലി കളഞ്ഞ് വട്ടത്തിൽ അരിഞ്ഞത് ഒരു കി.ഗ്രാം, ഗ്രാമ്പൂ 12 എണ്ണം , കറുവപ്പട്ട ഒരിഞ്ച് നീളത്തിൽ 4 കഷണം, ഓറഞ്ച് നീര് അല്ലെങ്കിൽ പഴുത്ത കൈതച്ചക്ക പുഴുങ്ങിയെടുത്ത ചാറ് 6 കപ്പ്, പഞ്ചസാര 9 കപ്പ്, സിട്രിക്കാസിഡ് ഒരു ടീസ്പൂൺ എന്നീ തോതിലാണ് ചേരുവകൾ എടുക്കേണ്ടത്.

ഇതിൽ ആദ്യം കാണിച്ച കറുവപ്പട്ട വരെയുളള ചേരുവകൾ എടുത്ത്
എടുത്ത് അവ നിറക്കാൻ മാത്രം വെള്ളം ഒഴിച്ച് വേവിച്ച് ഞെരടിപിഴിഞ്ഞ് തുണിയിൽ അരിച്ചെടുക്കണം. ഇത് പിഴിഞ്ഞെടുക്കുമ്പോൾ പത്ത് കപ്പ് കാണും. ഇതിന്റെ കൂടെ ഓറഞ്ച് അല്ലെങ്കിൽ ഈ പഴച്ചാറിൽ സിട്രിക്കാസിഡും , പഞ്ചസാരയും ചേർക്കുക.

ജാം ചെറുപഴം ഉപയോഗിച്ച്

പൂവൻ, കർപ്പൂരവള്ളി, പാളയംകോടൻ അഥവാ മൈസൂർ തുടങ്ങിയ ചെറുപഴങ്ങൾ ഉപയോഗിക്കാം.

രണ്ട് കി.ഗ്രാം പഴുത്ത പഴം,600 ഗ്രാം പഞ്ചസാര, 4 ടീസ്പൂൺ നാരങ്ങ നീര്, 10 ഗ്രാമ്പൂ എന്നിവയാണ് ചേരുവകൾ.

പഴങ്ങൾ മൂന്ന് – നാല് കഷണങ്ങളാക്കി മുറിക്കുക. കഷണങ്ങൾ മൂടാൻ പാകത്തിൽ വെള്ളമൊഴിച്ച് 10 മിനുട്ട് പ്രഷർ കുക്കറിൽ വേവിക്കുക. തണുക്കുമ്പോൾ കനം കുറഞ്ഞ ഒരു തുണി കൊണ്ട് അരിക്കുക. അവശിഷ്ടം നീക്കി വേർതിരിച്ച ലായനി ഒരു പാത്രത്തിലേക്ക് മാറ്റുക. ഇതിലേക്ക് പഞ്ചസാര, നാരങ്ങ നീര് , ഗ്രാമ്പൂ എന്നിവ ചേർത്ത് ചെറു തീയിൽ വേവിക്കുക. ഇളക്കുകയും വേണം. പാകം ചെയ്യുന്നതിനനുസരിച്ച് ക്രമേണ ലായനിയുടെ നിറം ചുവപ്പായി മാറും. ലായനി കട്ടിയാകുന്നതുവരെ ഇത് തുടരണം. ജാമിന്റെ പരുവമാകുമ്പോൾ തീയിൽ നിന്നും മാറ്റുക. തണുക്കുമ്പോൾ വീണ്ടും കട്ടിയാകും. വൃത്തിയാക്കിയ കുപ്പിയിൽ ജാം നിറക്കാം. ഇത് മാസങ്ങളോളം കേട് കൂടാതിരിക്കും.

വൈൻ

പാളയംകോടൻ അഥവാ മൈസൂർ പഴം 10 എണ്ണം , പഞ്ചസാര മുക്കാൽ കി.ഗ്രാം , യീസ്റ്റ് ഒരു ടേബിൾസ്പൂൺ, തിളപ്പിച്ചാറ്റിയ വെള്ളം രണ്ടു കുപ്പി എന്നിവയാണ് വൈൻ തയ്യാറാക്കുവാൻ ആവശ്യമായത്.
പഴം തൊലി കളഞ്ഞ് സ്റ്റീൽ കത്തികൊണ്ടരിഞ്ഞ് ചേരുവകളെല്ലാം കൂട്ടി ചേർത്ത് ഒരു ഭരണിയിലാക്കി പത്ത് ദിവസത്തോളം വെക്കണം. ദിവസം ഒരു പ്രാവശ്യം ഭരണി അനക്കണം. ഒരു കപ്പ് പഞ്ചസാര കരിച്ച് ഒടുവിൽ ചേർത്താൽ ആകർഷകനിറം കിട്ടും. വൈൻ ഊറ്റിയെടുത്ത് കുപ്പിയിലാക്കാം.

ബനാന ബട്ടർ

വാഴപ്പഴം നന്നായി ഉടച്ചെടുത്തത് മൂന്ന് കപ്പ്, നാരങ്ങ നീര് കാൽ കപ്പ് , ചെറിപ്പഴം അരിഞ്ഞത് കാൽ കപ്പ്, ഉണക്കമുന്തിരി ചെറുതായി അരിഞ്ഞത് കാൽ കപ്പ് , പഞ്ചസാര ആറര കപ്പ്, കറുവപ്പട്ട പൊടിച്ചത് അര ടീസ്പൂൺ, ജാതിക്ക പൊടിച്ചത് കാൽ ടീസ്പൂൺ , ലിക്വിഡ് പെക്ടിൻ ഒരു ബോട്ടിൽ (6 ഔൺസ്) എന്നിവയാണ് ബട്ടർ തയ്യാറാക്കാൻ ആവശ്യമായ ചേരുവകൾ.
ഒരു വലിയ സോസ്പാൻ എടുത്ത് മേൽ കാണിച്ച ചേരുവകളിൽ പെക്ടിൻ ഒഴികെ മറ്റുള്ളവ ഇളക്കി യോജിപ്പിച്ചിച്ച് ഒരു മിനുട്ടു സമയം തിളപ്പിക്കുക. അടുപ്പിൽ നിന്നും വാങ്ങി പെട്ടെന്നു തന്നെ ലിക്വിഡ് പെക്ടിൻ ഇതിലേക്ക് ചേർത്തിളക്കുക. ഇത് അവിമുക്തമാക്കിയ ജാറിൽ ഒഴിച്ച് സീൽ ചെയ്യുക.

നേന്ത്രക്കായ ചിപ്സ്

നേന്ത്രക്കായ് ആണ് പ്രധാനമായും ചിപ്സ് അഥവാ ഉപ്പേരി ഉണ്ടാക്കുവാൻ ഉപയോഗിക്കുന്നത്.
പാകമായ നേന്ത്രക്കായുടെ തൊലി കീറിമാറ്റി മഞ്ഞൾപ്പൊടി കലർത്തിയ വെള്ളത്തിൽ ഇട്ടു വയ്ക്കുന്നു. ഉപ്പേരിക്ക് മഞ്ഞനിറം കിട്ടാനും കായുടെ കറ നീക്കാനുമാണിങ്ങനെ ചെയ്യുന്നത്. ഇതിന് ശേഷം ഇവ നേർത്ത കഷണങ്ങളായി വട്ടത്തിൽ അരിഞ്ഞ് വെളിച്ചെണ്ണയിൽ വറുത്ത് കോരുന്നു. കോരിയെടുക്കുന്നതിന് മുൻപ് പാകത്തിന് ഉപ്പുവെള്ളവും തളിക്കും.
മൂന്ന് നേന്ത്രക്കായ്ക്ക് ഒരു ടീസ്പൂൺ മഞ്ഞൾപ്പൊടി, അരടീസ്പൂൺ ഉപ്പ് എന്നീ തോതിൽ ആവശ്യമായി വരും.
വറുത്തുപ്പേരി വൃത്തിയുള്ള പോളിത്തീൻ സഞ്ചികളിലാക്കിയാണ് വിൽപ്പനക്കൊരുക്കുന്നത്.

വാഴപ്പഴം ഹൽവ

വാഴപ്പഴം 6 എണ്ണം, പഞ്ചസാരപ്പാനി 2 കപ്പ്, നെയ്യ് 12 ടി സ്പൂൺ , ഏലക്ക 4 എണ്ണം എന്നീ തോതിൽ ചേരുവകൾ വേണം.
വാഴപ്പഴം ചെറു കഷ്ണങ്ങളായി മുറിക്കുക. പഞ്ചസാര പാനി ചേർത്ത് വേവിക്കുക. കുഴമ്പുപരുവമാകുമ്പോൾ നെയ്യ് ചേർക്കുക. നെയ്യ് നന്നായി തെളിഞ്ഞു വരുമ്പോൾ , അതായത് ഒട്ടിപ്പിടിക്കാത്ത പരുവം ഏലക്കാപ്പൊടി ചേർക്കുക. നെയ്യ് തടവിയ ഒരു പാത്രത്തിലേക്ക് ഒഴിച്ചു വച്ചു തണുക്കുവാൻ വെക്കുക. ഒരു മണിക്കൂറിന് ശേഷം കഷണങ്ങളായി മുറിച്ച് ഉപയോഗിക്കാം.

ശർക്കര ഉപ്പേരി

പച്ച നേന്ത്രക്കായ് തൊലി കളഞ്ഞ് കനത്തിൽ അരിഞ്ഞതും ശർക്കരയും വെല്ലം) വെളിച്ചെണ്ണയും ജീരകവും ഏലക്കായുമാണ് ചേരുവകൾ. നേന്ത്രക്കായ് വൃത്തിയായി കഴുകി വെളിച്ചെണ്ണയിൽ വറുത്തെടുക്കണം. തുടർന്നു വെല്ലം അഥവാ ശർക്കര ഉരുക്കി കട്ടിപ്പരുവമാകുമ്പോൾ ജീരകപ്പൊടിയും ഏലക്കായയും വറുത്ത കോരിയ കായയും ഇളക്കുക. ചൂടാറിയ ശേഷവും ഇളക്കാം.

ബനാന ഫിഗ്

പഴുത്ത വാഴപ്പഴം നിർജലീകരിച്ച് ജലാംശം മുഴുവൻ നീക്കി തയ്യാറാക്കുന്ന ഉൽപ്പന്നമാണിത്. റോബസ്റ്റ, പൂവൻ, പച്ചക്കദളി തുടങ്ങിയ പഴങ്ങളാണ് ഇതിന് യോജിച്ചത്. പഴം തൊലി കളഞ്ഞ് 0.1% വീര്യമുള്ള പൊട്ടാസ്യം മെറ്റാബൈ സൾഫൈറ്റ് ലായനിയിൽ പത്ത് മിനുട്ട് നേരം മുക്കിയിടണം. തുടർന്ന് വെള്ളം വാർത്തു കളഞ്ഞ് വെയിലത്തുണക്കണം. 50 സെന്റിഗ്രേഡിൽ ഹോട്ട് എയർ അവനിൽ 48 മണിക്കൂർ നേരം വച്ചും ഉണക്കാം.
ഫിഗ് അതേ പടി ഭക്ഷിക്കാം. കേക്ക്, ബിസ്ക്കറ്റ് പായസം, കേസരി, ഐസ് ക്രീം എന്നിവയിൽ ഉണക്ക് മുന്തിരിക്ക് പകരം ചേരുവയാക്കുകയോ ചെയ്യാം.

തേൻ ഉൽപ്പാദനത്തിലൂടെ കർഷകർക്ക് മികച്ച വരുമാനവും കാർഷികവിളകളുടെ പരാഗണം വർദ്ധിക്കുന്ന തിലൂടെ മികച്ച വിളവും നൽകാൻ ഉതകുന്ന ഒരു തൊഴിൽ സംരംഭം എന്ന നിലയിൽ,തേനീച്ച വളർത്തലിനുള്ള സാധ്യതകൾ ഉപയോഗപ്പെടുത്തുന്നതിനായി കേരള കാർഷിക സർവ്വകലാശാലയുടെ കീഴിലുള്ള കൃഷി വിജ്ഞാന കേന്ദ്രം വയനാട് ഏഴു ദിവസം ദൈർഘ്യമുള്ള തേനീച്ച വളർത്തൽ പരിശീലന പരിപാടി സംഘടിപ്പിച്ചു.

തേനീച്ച വളർത്തലിന്റെ പ്രായോഗിക പരിശീലനവും വിവിധ രോഗകീടനിയന്ത്രണ മാർഗ്ഗങ്ങളെക്കുറിച്ചും തേനീച്ച കോളനികളുടെ പരിപാലനമുറകളെകുറിച്ചുമുള്ള പ്രായോഗിക അറിവ് നൽകുക എന്നതാണ് പരിപാടിയുടെ ലക്ഷ്യം. പരിശീലകർക്ക് തൊഴിൽ സംരംഭം തുടങ്ങുന്നതിന് ആവശ്യമായ തേനീച്ച കോളനിയും കൂടും കൃഷി വിജ്ഞാന കേന്ദ്രത്തിൽ നിന്നും വിതരണം ചെയ്തു. ഡോക്ടർ ജയശ്രീ കൃഷ്ണൻകുട്ടി കേരള കാർഷിക സർവ്വകലാശാല വിജ്ഞാന വ്യാപന ഡയറക്ടർ സമാപനച്ചടങ്ങിന്റെ ഉദ്ഘാടനം നിർവഹിച്ചു. പരിശീലകർക്കുള്ള സർട്ടിഫിക്കറ്റും തേനീച്ച കോളനിയും കൂടും കൃഷിവിജ്ഞാന കേന്ദ്രം മേധാവി ഡോക്ടർ അലൻ തോമസ് വിതരണംചെയ്തു.

എം കെ പി മാവിലായി

അന്തകൻ വിത്തുകളെന്ന് പറയുന്ന തരം വിത്തുകൾ എങ്ങിനെയാണ് ഉൽപ്പാദിപ്പിക്കുന്നതെന്നും അവ എന്തുകൊണ്ടാണ് അടുത്ത കൃഷിയിൽ ഉപയോഗിക്കാൻ കഴിയാത്തതെന്നും നിരവധി പേർ സംശയം ഉന്നയിക്കാറുണ്ട്. ആദ്യം തന്നെ ഒന്ന് പറയട്ടെ, പലരും സംശയിക്കുന്നതു പോലെ ഇന്ന് ലഭിക്കുന്ന സങ്കരവിത്തുകൾ ഒന്നും തന്നെ അന്തകവിത്തുകൾ അല്ല.

രണ്ടാം തലമുറയിലെ വിത്തുകളെ മുളയ്ക്കാൻ അനുവദിക്കാതെ ജനിതകമായ ആത്മഹത്യക്ക് വിധേയമാക്കുന്ന ജനിത വന്ധ്യംകരണ വിദ്യയാണ് അന്തക സാങ്കേതിക വിദ്യ.
രണ്ടാം തലമുറയ്ക്ക് ജന്മം നൽകാൻ അനുവദിക്കാതെ ജനിതകമായി വന്ധ്യംകരിക്കുകയാണ് അന്തക സാങ്കേതിക വിദ്യ അഥവാ ടെർമിനേറ്റർ ടെക്നോളജി ചെയ്യുന്നത്.
വിത്തിന്റെ അങ്കുരണ ശേഷിയെ തടയുന്ന ഒരു മാരക ജീനിനേയും മാരക ജീനിനെ തടയുന്ന ഒരു ബ്ലോക്കിങ്ങ് ജീനിനേയും ഒരേ ചെടിയിലേക്ക് പ്രവേശിപ്പിക്കുന്നതാണ് ഈ ടെക്നോളജിയുടെ കാതൽ. വിത്തിന്റെ വളർച്ചയുടെ അവസാന ഘട്ടത്തിൽ മാത്രം പ്രവർത്തനക്ഷമമാകുന്ന മാരക ജീനിന്റെ പ്രവർത്തന ഫലമായി വിത്തിനുള്ളിലെ ഭ്രൂണത്തിന്റെ വളർച്ച പൂർത്തിയാകാതെ വരികയും അങ്ങിനെ അതിന്റെ മുളയ്ക്കാനുളള ശേഷി നഷ്ടമാകുകയും ചെയ്യുന്നു. എന്നാൽ വിത്തുൽപ്പാദന ഏജൻസികൾ ഉത്പാദിപ്പിക്കുന്ന ടെർമിനേറ്റർ ജീൻ അടങ്ങിയ വിത്തുകൾ അങ്കുരണ ശേഷി ഉളളവ തന്നെയായിരിക്കും.

ഇതിനായി വിത്തുൽപ്പാദകൻ രണ്ടു സ്ഥലങ്ങളിലായാണ് കൃഷി ചെയ്യുന്നത്. ഒന്നാമത്തെ സ്ഥലത്ത് അങ്കുരണ ശേഷിക്ക് ഒട്ടും കോട്ടംതട്ടാത്ത വിധത്തിലാണ് ചെടികളെ വളർത്തുന്നത്. മാരക ജീനും ഒട്ടും കോട്ടംതട്ടാത്ത വിധത്തിലാണ് ചെടികളെ വളർത്തുന്നത്. മാരക ജീനും ഒപ്പം ബ്ലോക്കിങ്ങ് ജീനും ചെടികളിൽ ഉള്ളതിനാൽ ചെടികളിൽ മാരക ജീൻ പ്രവർത്തിക്കുകയില്ല. രണ്ടാമത്തെ സ്ഥലത്ത് കർഷകർക്ക് വിൽക്കാനുളള വിത്തുകളാണ് ഉൽപ്പാദിപ്പിക്കുന്നത്. ഈ വിത്തുകൾ സാധാരണ രീതിയിൽ മുളയ്ക്കുകയും പൂക്കുകയും കായ്ക്കുകയും ചെയ്യുന്നു. എന്നാൽ ഫലത്തിലെ വിത്തിന് അങ്കുരണ ശേഷി ഉണ്ടാകുകയില്ല. ഇതിനായി വിത്തിന്റെ വളർച്ച പൂർത്തിയാകുന്ന സമയത്ത് വിത്തുൽപ്പാദിപ്പിക്കുന്ന വർ അവയിലൊരു രാസവസ്തു തളിക്കുന്നു. ഈ രാസവസ്തുവിന്റെ പ്രവർത്തന ഫലമായി ബ്ലോക്കിങ്ങ് ജീൻ മുറിച്ചു മാറ്റപ്പെടുന്നു. ബ്ലോക്കിങ്ങ് ജീൻ നിർവീര്യമാക്കുന്നതിനാൽ മാരക ജീൻ പ്രവർത്തിക്കുന്നു. ഈ വിത്താണ് വിൽപ്പനക്കൊരുക്കുന്നത്.
മാരക ജീൻ വിത്തിലുണ്ടെങ്കിലും ചെടിയുടെ വളർച്ചയുടെ അവസാന ഘട്ടത്തിൽ മാത്രമേ അവ പ്രവർത്തിക്കുകയുള്ളൂ. അതായത് വിത്തിന്റെ അങ്കുരണശേഷിയെ മാത്രമേ അത് ബാധിക്കുകയുള്ളൂ.

ചെടികളിലെ പ്രോട്ടീൻ നിർമ്മാണ ഫാക്ടറികളായ റൈബോസോം എന്ന ഘടകങ്ങളുടെ പ്രവർത്തന ശേഷിയെ നശിപ്പിക്കുന്നതു മൂലമാണ് വിത്തിലെ ഭ്രൂണത്തിന്റെ വളർച്ച തടയപ്പെടുന്നത്.

അമേരിക്കൻ കൃഷി വകുപ്പും മിസിസിപ്പിയിലെ ഡെൽറ്റാ ആന്റ് പൈൻലാന്റ് കമ്പനിയും ചേർന്ന് 1998 മാർച്ചിൽ പരുത്തിയിലെ അന്തക ജീനിന് ആദ്യ പേറ്റന്റ് നേടിയതോടെയാണ് അന്തകവിത്തുകൾ അന്താരാഷ്ട്ര തലത്തിൽ വിവാദമായി മാറിയത്.
ഓരോ പ്രാവശ്യവും കമ്പനിയുടെ വിത്തുകൾ വാങ്ങാൻ കർഷകർ നിർബ്ബന്ധിതമാകും എന്നതു മാത്രമല്ല അന്തകവിത്തുകളുടെ പ്രത്യാഘാതം. അന്തകവിത്തുകളിൽ നിന്നും രക്ഷപ്പെടുന്ന കൊലയാളി ജീനുകൾ ചുറ്റുപാടും വ്യാപിച്ച് ജനിതക മലിനീകരണത്തിലൂടെ ഭൂമിയിലെ ജൈവ വൈവിധ്യം സമ്പൂർണമായി നശിപ്പിക്കുമെന്ന് ചില ശാസ്ത്രജ്ഞർ വിലയിരുത്തുന്നു. അന്തക ജീനുകൾ ഉൾക്കൊള്ളുന്ന വിത്ത് മനുഷ്യർക്കും മറ്റു ജീവികൾക്കും ഭക്ഷണമെന്ന നിലയിൽ എത്രത്തോളം സുരക്ഷിതമാണെന്നതും സംശയാതീതമായി തെളിയിക്കേണ്ടിയിരിക്കുന്നു. ഇങ്ങനെ നോക്കുമ്പോൾ ടെർമിനേറ്റർ വിത്തുകളെ ആശങ്കയോടെ തന്നെ വേണം കാണേണ്ടത്.

ന്യൂഡൽഹി: കേന്ദ്ര ഫിഷറീസ് മൃഗസംരക്ഷണ ക്ഷീരവികസന മന്ത്രി പർഷോത്തം രുപാലയുമായി സംസ്ഥാന മൃഗസംരക്ഷണ ക്ഷീരവികസന വകുപ്പ് മന്ത്രി ജെ. ചിഞ്ചുറാണി കൂടിക്കാഴ്ച നടത്തി. കേന്ദ്രസർക്കാർ കേരളത്തിനു അനുവദിച്ച 29 വെറ്റിനറി മൊബൈൽ ആംബുലൻസിനുള്ള ഫണ്ട് കൈമാറിയതായി കേന്ദ്രമന്ത്രി അറിയിച്ചു. 4.6 കോടി രൂപയാണ് ആംബുലൻസ് വാങ്ങുന്നതിനു അനുവദിച്ചത്. ഒരു ആംബുലൻസിന് 16 ലക്ഷം രൂപ വീതം 29 ആംബുലൻസുകൾക്കാണു ഫണ്ട് കൈമാറിയത്. എല്ലാ നടപടികളും പൂർത്തിയാക്കി രണ്ടു മാസത്തിനകം ഉദ്ഘാടനം നടത്തുമെന്നു മന്ത്രി ജെ ചിഞ്ചുറാണി കേന്ദ്ര മന്ത്രിയെ അറിയിച്ചു. കേരളം നേരത്തെ നൽകിയിരുന്ന പ്രൊപ്പോസലാണിത്. ഒരു ലക്ഷം കന്നുകാലികൾക്ക് ഒരു ആംബുലൻസ് എന്ന കണക്കിന് 29 സ്ഥലങ്ങളിൽ ഇതിന്റെ പ്രയോജനം ലഭിക്കും. കേരളത്തിൽ നിലവിലെ കണക്കനുസരിച്ച് 30 ലക്ഷം കന്നുകാലികളാണുള്ളത്.

കന്നുകാലികൾക്ക് ഉള്ളതു പോലെ കോഴി കർഷകരെ സഹായിക്കുന്നതിനു പൗൾട്രി ഇൻഷുറൻസ് ഏർപ്പെടുത്താമെന്നും കേന്ദ്രമന്ത്രി ഉറപ്പു നൽകി.
കേരളത്തിലെ മുഴുവൻ കന്നുകാലികൾക്കും ഇൻഷുറൻസ് ഏർപ്പെടുത്തുതിനും കേന്ദ്രസഹായം ആവശ്യപ്പെട്ടിട്ടുണ്ട്. റേഡിയോ ഫ്രീക്വൻസി ടെക്‌നോളജി ഉപയോഗിച്ചുള്ള ചിപ്പുകൾ കന്നുകാലികളിൽ ഘടിപ്പിക്കുന്ന രീതി പൈലറ്റ് പദ്ധതിയായി കേരളം നടപ്പിലാക്കി വിജയിപ്പിച്ചാൽ പൈലറ്റ് പദ്ധതിയായി കേരളം ഇത് നടപ്പാക്കി വിജയിപ്പിച്ചാൽ കേന്ദ്രം പദ്ധതി ഏറ്റെടുത്ത് വ്യാപിപ്പിക്കുമെന്ന് കേന്ദ്ര മന്ത്രി ഉറപ്പു നൽകി.
കഴിഞ്ഞ ദിവസം കേന്ദ്ര മൃഗസംരക്ഷണ ക്ഷീരവികസന വകുപ്പ് സഹമന്ത്രി സജീവ് കുമാർ ബല്യാണുമായുള്ള കൂടിക്കാഴ്ചയിൽ പാലോട് വാക്‌സിൻ കേന്ദ്രത്തിന്റെ അടിസ്‌ഥാനസൗകര്യ വികസനം മുതൽ കാലിത്തീറ്റയുടെ വില കുറയ്ക്കുന്നതിനു വൈക്കോൽ പോലുള്ള ഘടകങ്ങൾ പഞ്ചാബ്, ഹരിയാന തുടങ്ങിയ സംസ്ഥാനങ്ങളിൽ നിന്നു കുറഞ്ഞ വിലയ്ക്ക് ലഭ്യമാക്കുന്നത് വരെ വിവിധ വിഷയങ്ങൾ ചർച്ച ചെയ്‌തിരുന്നു. ഇക്കാര്യങ്ങൾ കേന്ദ്രമന്ത്രിയുടെ ശ്രദ്ധയിൽ പെടുത്തി.
എല്ലാ വിഷയങ്ങളിലും അനുഭാവ പൂർണമായ ഇടപെടൽ ഉണ്ടാകുമെന്ന് കേന്ദ്രമന്ത്രി അറിയിച്ചു.
കൂടാതെ പുതുതായി ചില സാമ്പത്തിക
സഹായം കൂടി ആവശ്യപ്പെട്ടിട്ടുണ്ട്.

*ശുദ്ധമായ പാലുല്പാദനം പ്രോത്സാഹിപ്പിക്കാൻ ആധുനിക കാലിത്തൊഴുത്തുകളുടെയും ചാണകക്കുഴികളുടെയും നിർമ്മാണവും നവീകരണവും

* ബയോഗ്യാസ് പ്ലാന്റുകളുടെ നിർമ്മാണം

*പാൽ സൊസൈറ്റികളിൽ സോളാർ പവർപ്ലാന്റ് നിർമ്മാണം

*മീഥലിൻ ബ്ലൂ റിഡക്ഷൻ ടെസ്റ്റിന്റെ അടിസ്ഥാനത്തിൽ പാൽ ഉല്പാദിപ്പിക്കുന്ന ക്ഷീര കർഷകർക്ക് ഇൻസെന്റീവ്

*അഫ്‌ളാടോക്‌സിൻ എം.1ന്റെയും ആന്റിബയോട്ടിക്‌സിന്റെയും അവശിഷ്ടങ്ങൾ കൂടാതെ പാലുല്പാദിപ്പിക്കുന്ന ക്ഷീര കർഷകർക്ക് അധിക ഇൻസെന്റീവ്

*പ്രാദേശിക പാൽ യൂണിയനുകൾക്ക്
നൂതനമായ പാലുലാപദന വികസനത്തിനും ഗവേഷണത്തിനും വേണ്ടിയുള്ള സാമ്പത്തിക സഹായം

*മൊബൈൽ ഫുഡ് ട്രക്ക് ഉൾപ്പെടുന്ന കോൾഡ് ചെയിൻ സംവിധാനങ്ങൾ മെച്ചപ്പെടുത്തുവാനുള്ള സാമ്പത്തിക സഹായം

* ഇൻഫർമേഷൻ & കമ്മ്യൂണിക്കേഷൻ ടെക്‌നോളജിയും ഡയറി കോർപ്പറേറ്റീവ് സൊസൈറ്റിയെയും ബന്ധിപ്പിച്ച് മിൽക്ക് വാല്യു പേമന്റ് സിസ്റ്റം കൂടുതൽ ഫലപ്രദവും സുതാര്യവുമാക്കാൻ വേണ്ടിയുള്ള സാമ്പത്തിക സഹായം.

എന്നീ മേഖലകളിലാണ് സാമ്പത്തിക സഹായം അവശ്യപ്പെട്ടത്. ഇവ പരിഗണിക്കുമെന്നും വിശദമായ പ്രൊപ്പോസൽ നൽകാനും കേന്ദ്രമന്ത്രി നിർദേശിച്ചു.

നാടൻ പശുക്കളെ പ്രത്യേകം പരിപാലിക്കുന്നതിനായി കേരളം മുന്നോട്ടു വച്ച പ്രൊപോസലും തത്വത്തിൽ അംഗീകരിചിട്ടുണ്ട്.

കേന്ദ്രസർക്കാർ വെച്ചൂർ പശുക്കളെ മാത്രമാണ് നാടൻ ഇനത്തിൽ ഇതുവരെ കണക്കാക്കിയിട്ടുള്ളത്. കേരളത്തിലെ തനതു ജനുസുകളായ കാസർഗോഡ് കുള്ളൻ, ചെറുവള്ളി, കുട്ടംപുഴ (പെരിയാർ എന്നറിയപ്പെടുന്നു), വില്വാദ്രി എന്നീ ഇനം പശുക്കളെയും നാടൻ ഇനങ്ങളായി അംഗീകരിക്കണം എന്നതാണ് ആവശ്യപെട്ടത്.
സംയോജിത കൃഷി പ്രോത്സാഹിപ്പിക്കുന്നതിനും സഹായം ആവശ്യപ്പെട്ടിട്ടുണ്ട്.

സങ്കരയിനം കന്നുകാലികളിലെ രണ്ടാംതലമുറ രോഗങ്ങക്കു പരിഹാരം കാണാനായി രാഷ്ട്രീയ ഗോകുൽ ഗ്രാം പദ്ധതിയിൽ ഉൾപ്പെടുത്തി പരിഗണിക്കാമെന്നും കേന്ദ്രമന്ത്രി ഉറപ്പു നൽകിയിട്ടുണ്ട്.

പാലോട് വാക്‌സിൻ ഉല്പാദന കേന്ദ്രത്തിൽ ഫ്‌എംഡി എച് എസ് സംയുക്ത വാക്‌സിൻ തയ്യാറാക്കുന്നതിനു ബൈ ബാക്ക് ഗ്രാററന്റിയിൽ സഹകരിക്കുമെന്ന് മന്ത്രി അറിയിച്ചു.

കാലിത്തീറ്റയുടെ പ്രധാന ഘടകമായ വയ്‌ക്കോൽ കുറഞ്ഞ ചെലവിൽ ലഭ്യമാകുന്നതിനും ഗുണമേന്മ ഉറപ്പു വരുത്തന്നതിനും ഇടപെടാമെന്നു മന്ത്രി പറഞ്ഞു.

കേന്ദ്ര സർക്കാരിന്റെ അസ്‌കാഡ് ഫണ്ട് ഇതിനായി ഉപയോഗപ്പെടുത്താവുതാണ്. സങ്കരയിനം
അത്യുല്പാദന ശേഷിയുള്ള കന്നുകാലികളുടെ ഉല്പാദനത്തിന് കേരളം സമർപ്പിച്ച സെക്‌സ്ഡ് സെമൻ കൺസർവേഷൻ ആന്റ് പ്രൊപ്പഗേഷൻ ഓഫ് എലീറ്റ് ജെംപ്ലാസം എന്ന പ്രോജക്ടിനു അംഗീകാരം നല്കുമെന്ന് മന്ത്രി പറഞ്ഞു.

ഇൻഡ്യൻ കൗൺസിൽ ഓഫ് അഗ്രിക്കൾച്ചറൽ റിസേർച്ചിന് കീഴിൽ കേരളത്തിലെ വെറ്റിനറി സർവ്വകലാശാല വിദേശ സർവകലാശാലകളുമായി സഹകരിച്ച് നടത്തുന്ന ഗവേഷണങ്ങൾക്ക് കേന്ദ്രസർക്കാർ പ്രോത്സാഹനവും ധനസഹായവും നൽകും.

രാജ്യത്തെ ഏറ്റവും ശക്തമായ പഞ്ചായത്ത് സംവിധാനമാണ് കേരളത്തിലുള്ളത്. സംസ്ഥാന ബജറ്റിന്റെ 40% ചെലവഴിക്കുന്നത് സ്വയം ഭരണ സ്ഥാപനങ്ങളാണ്. ആധുനിക സാങ്കേതിക വിദ്യ ഉപയോഗിച്ച് രാജ്യത്തിന്റെ കന്നുകാലി സമ്പത്ത് വർദ്ധിപ്പിക്കാൻ ഈ സംരംഭം ഉപയോഗിക്കണം. ഇതിനായി കേന്ദ്ര സർക്കാരിന്റെ റിസേർച്ച് & ഡവലപ്പ്മെന്റ് ഫണ്ടുകൾ കൂടുതൽ ഉപയോഗപ്പെടുത്തണമെന്നും കേന്ദ്ര മന്ത്രി നിർദേശിച്ചു.

സംസ്ഥാന മൃഗസംരക്ഷണ വകുപ്പ് ഡയറക്ടർ ഡോ.എ.കൗശികൻ, ജോയിന്റ് സെക്രട്ടറിമാരായ ഒ.പി.ചൗധരി, വർഷ ജോഷി, ഉപമന്യു ബസു എന്നിവർ പങ്കെടുത്തു.