തക്കാളിയില്‍ വൈറ്റമിന്‍ സി,വൈറ്റമിന്‍ എ,വൈറ്റമിന്‍ ബി,വൈറ്റമിന്‍ ഡി,വൈറ്റമിന്‍ കെ,കാല്‍സ്യം, പൊട്ടാസ്യം, അയേണ്‍, ആര്‍ജിനൈന്‍, ഫോസ്ഫറസ്,സോഡിയം, എന്നിവയുണ്ട്.കൂടാതെ ഇതിലുള്ള സിട്രിക്, ഓക്‌സാലിക്, മാലിക് ആസിഡുകളും ശരീരത്തിന്റെ പ്രതിരോധശേഷി വര്‍ദ്ധിപ്പിയ്ക്കാന്‍ സഹായിക്കുന്ന ഘടകങ്ങള്‍ ആണ്. പ്രതിരോധശേഷി സ്വഭാവികമായി നല്‍കുന്ന ഒന്നാണ് തേന്‍ .
രാവിലെ തേന്‍ ചേര്‍ത്ത ഒരു ഗ്ലാസ് തക്കാളി ജ്യൂസ് കുടികുന്നത് സന്ധിവേദനയും വാതസംബന്ധമായ വേദനകളും മാറ്റാന്‍ നല്ലൊരു വഴിയാണ് . ഇതിലെ വൈറ്റമിനുകളും കാല്‍സ്യവും എല്ലുകള്‍ക്കുറപ്പു നല്‍കും. വേദന കുറയ്ക്കും.പ്രാതലിനൊപ്പം തക്കാളി ജ്യൂസ് തടി കുറയ്ക്കാന്‍ ഉപയോഗിയ്ക്കുന്ന ഡയറ്റുകളില്‍ പ്രധാനപ്പെട്ട ഒന്നാണ് .ഇത് തടി കുറയ്ക്കുന്നത് ശരീരത്തിലെ കൊഴുപ്പും വിഷാംശങ്ങളും നീക്കിയും അധികമുളള വെള്ളം നീക്കിയും ആണ് .തടി കുറയ്ക്കാന്‍ തേനും വളരെ ഉത്തമം ആണ്.ബ്രേക്ഫാസ്റ്റില്‍ തക്കാളി ജ്യൂസ് ഉള്‍പ്പെടുത്തുന്നത് മലബന്ധത്തിനുള്ള നല്ലൊരു പരിഹാരം കൂടി ആണ് .ഈ ഗുണം നല്‍കുന്നത് ഇതിലെ ഫൈബറുകളാണ് .നല്ലൊരു ലാക്‌സേറ്റീവായി പ്രവര്‍ത്തിക്കാന്‍ ഇതിനു കഴിയും . ദഹനം ശക്തിപ്പെടുത്തും എന്നതാണ് മറ്റൊരു നേട്ടം.
ഇതില്‍ ധാരാളം എന്‍സൈമുകളും ധാതുക്കളുമുണ്ട്. കൊളസ്‌ട്രോള്‍ കുറയ്ക്കാനും രക്തപ്രവാഹം വര്‍ദ്ധിപ്പിയ്ക്കാനും ഏറെ ഗുണകരം. ഇതുവഴി ഹൃദയാരോഗ്യത്തിനും ഇത് ഗുണം ചെയ്യും. തേനിലെ ആന്റിഓക്‌സിഡന്റുകളും ഹൃദയത്തിന് നല്ലതാണ്.
രക്തസ്രാവമുള്ള മൂലക്കുരു രോഗികള്‍ ദിനംപ്രതി ഓരോ ഗ്ളാസ് തക്കാളിനീര് കുടിക്കുന്നത് നല്ലതാണ്. വിളര്‍ച്ചയും തളര്‍ച്ചയും അകറ്റാനും തക്കാളി നല്ലതാണ്. കൂടാതെ ദഹനപ്രക്രിയ ത്വരിതപ്പെടുത്താനും തക്കാളി സഹായിക്കുന്നു. നിത്യേന തക്കാളി കഴിക്കുന്നത് വന്‍കുടലിലെ കാന്‍സര്‍ ഒഴിവാക്കാന്‍ സഹായകമാണ്. അതുപോലെ തലച്ചോറ്, നാഡീഞരമ്പുകള്‍ എന്നിവയുടെ സുഗമമായ പ്രവര്‍ത്തനത്തിനും തക്കാളി സഹായിക്കുന്നു.
ഗര്‍ഭിണികള്‍ നിത്യവും തക്കാളിജ്യൂസ് കുടിക്കുന്നത് പതിവാക്കിയാല്‍ അവര്‍ക്ക് അഴകും ആരോഗ്യവും ബുദ്ധിശക്തിയും തികഞ്ഞ സന്താനങ്ങള്‍ ജനിക്കും. കൂടാതെ അവർക്ക് ഉണ്ടാകുന്ന തലചുറ്റൽ , തളർച്ച, വേദന , വയറു വീർപ്പ്, മലബന്ധം തുടങ്ങിയക്കു പരിഹാരം കൂടിയാണ്.തക്കാളിജ്യൂസ് ശരീരത്തിൽ പുരട്ടിയാൽ കടുത്ത സൂര്യതാപത്തിൽ നിന്ന് രക്ഷനേടാനാകും.
Note :മിതമായി ഉപയോഗിക്കുകയാണെങ്കിൽ തക്കാളി ദഹനവ്യവസ്ഥയെ സഹായിക്കുന്നതായാണ് കാണുന്നത്.എന്നാൽ അമിത ഉപയോഗം വയറിനു അസ്വസ്ഥതയും,ഗ്യാസും,വയറിളക്കവും ഉണ്ടാക്കും.സാൽമൊണേല്ല യുടെ സാന്നിധ്യമാണ് ഇതുണ്ടാക്കുന്നത്.
പൊതു അറിവിലേക്ക് വിവിധ ലേഖനങ്ങളിൽനിന്നും സമാഹരിച്ച വിവരങ്ങൾ
സമ്പാദനം :JP Kalluvazhi
