മെയ് 20 ലോകതേനീച്ച ദിനം

തേനീച്ച വളർത്തലിന് തുടക്കമിട്ട ആൻറൺ ജാൻസയുടെ ജന്മവാർഷിക ദിനമായ മെയ് 20 ആണ് ലോകതേനീച്ച ദിനമായി ആചരിക്കാൻ ഐക്യരാഷ്ട്രസഭ തീരുമാനിച്ചത്.

2018 ലാണ് ഈ ദിനാചരണത്തിന് തുടക്കമിട്ടത്.ലോകത്തിലെ ഏറ്റവും വലിയ അന്നദാതാക്കളാണ് തേനീച്ചകൾ എന്നു പറയാം.മിക്ക കാർഷിക വിളകളിലും പരാഗണം നടക്കണമെങ്കിൽ തേനീച്ചകൾ വേണം.തേനീച്ചകളുൾപ്പടെയുള്ള ജീവികളുടെ സഹായത്താലാണ് കാർഷിക മേഖലയിലെ പരാഗണവും പ്രത്യുൽപാദനവും നടക്കുന്നത്.

ജൈവവൈവിധ്യം നിലനിർത്തുന്നതിലും തേനീച്ചകൾ വഹിക്കുന്ന പങ്ക് അളവറ്റതാണ്.
ഭക്ഷ്യ ഭദ്രത ഉറപ്പു വരുത്താനും, സുസ്ഥിര കാർഷിക. വികസനത്തിനും, തേനീച്ചകളുടെ പങ്ക് ബോധ്യപ്പെടുത്താനും, തേനീച്ച വളർത്തലിനും, സംരക്ഷണത്തിനും പ്രോത്സാഹനം നൽകലുമാണ് ദിനാചരണത്തിലൂടെ ലക്ഷ്യമിടുന്നത്‌.

“Bee engaged with youth ”

എന്നതാണ് ഈ വർഷത്തെ ലോക തേനീച്ച ദിനത്തിൻ്റെ തീം.
കഴിഞ്ഞ ഏതാനും വർഷങ്ങൾ കൊണ്ട് തേനീച്ചകളുടെ എണ്ണത്തിൽ ഗണ്യമായ കുറവുണ്ടായിട്ടുണ്ട്.
ആരോഗ്യ പൂർണമായ ആവാസവ്യവസ്ഥയുടെ ആണിക്കല്ലായതേനീച്ചകളുടെ അഭാവം നിരവധി കാർഷിക: വിളകളുടെ നിലനിൽപ്പ് തന്നെ ഇല്ലാതായേക്കും.

ജൈവവൈവിധ്യത്തിൻ്റെ സംരക്ഷണം ഭക്ഷ്യശൃംഖലകളുടെ തുടർച്ച സംരക്ഷിക്കുന്നതിന് ആവശ്യമായ പാരിസ്ഥിതിക വൈവiധ്യത്തിൻ്റെ സംരക്ഷണത്തിലേക്ക് നയിക്കുന്നു .
ഭൂമിയിലെ ലൈഫ് സപ്പോർട്ട് സിസ്റ്റങ്ങളുടെ സുസ്ഥിരമായ ഉപയോഗം
അതുറപ്പാക്കുന്നു.