കൂർക്ക കൃഷി
ഏറ്റവും ലളിതവും ചെലവുകുറഞ്ഞതുമായ കൃഷിയാണ് കൂര്ക്കളയുടേത്. ഏത് മണ്ണിലും കൂർക്ക കൃഷിചെയ്യാം എങ്കിലും നല്ല വളക്കൂറും നീർവാർച്ചയുള്ളതും അല്പം മണൽ കലർന്ന പശിമരാശിമണ്ണാണ് കൃഷിക്ക് അനുയോജ്യം. വർഷത്തിൽ രണ്ട് തവണയാണ് കൂർക്ക കൃഷിചെയ്യുന്നത്. ചൂടും ഈര്പ്പവുമുള്ള കാലാവസ്ഥയാണ് പ്രിയം. വളരുമ്പോള് മഴ കിട്ടിയാല് നന്ന്. മഴയില്ലെങ്കില് നനച്ചു വളര്ത്തണമെന്നേയുള്ളൂ. കാഴ്ചയില് ഇത്തിരിക്കുഞ്ഞനാണെങ്കിലും രുചിയുടെ കാര്യത്തില് ഏറെ മുന്നിലാണ് കൂര്ക്ക. മലയാളികള്ക്ക് കിഴങ്ങുവര്ഗത്തില്പ്പെട്ട കൂര്ക്ക ഏറെ പ്രിയപ്പെട്ടതാണ്.കാത്സ്യം, ഇരുമ്പ്, തയമിന്, റൈബോഫ്ളേവിന്, കാര്ബോ ഹൈഡ്രേറ്റ്, നയാസിന്, വിറ്റാമിന് സി. എന്നിവ നല്ല തോതില് അടങ്ങിയിരിക്കുന്നു. നീരോക്സികാരികളായ പോളിഫീനോള്സും കിഴങ്ങുകളില് അടങ്ങിയിട്ടുണ്ട്. ഈ നിരോക്സീകാരികള് ക്യാന്സര്, ഹൃദയസംബന്ധമായ അസുഖങ്ങള്, ഡയബറ്റീസ്, ഞരമ്പ് രോഗങ്ങള് എന്നിവയില് നിന്ന് നമ്മുടെ ശരീരത്തെ ഒരു പരിധി വരെ സംരക്ഷിച്ചു നിര്ത്തുന്നു
ജൂണ് മുതല് ഡിസംബര് വരെ കൂര്ക്ക് നടാം. സപ്തംബറില് നട്ടാല് നല്ല വലിപ്പമുള്ള കൂര്ക്ക വിളവെടുക്കാം. വൃത്താകൃതിയും ചെറിയ ചുഴികളുമുള്ള വിത്തുകളാണ് തലകൾ ഉണ്ടാക്കുവാൻ ഉപയോഗിക്കുന്നത്. ചാക്കുകളിൽ പരത്തിയിടുന്ന വിത്തുകള്ക്ക് ഫെബ്രുവരി – മാർച്ച് മാസമാകുമ്പോഴേക്കും കിഴങ്ങുകളിൽ മുള വന്നിട്ടുണ്ടാകും. കൂര്ക്കച്ചെടിയുടെ തലപ്പ് തന്നെയാണ് നടുക. പാകി ഒരുമാസം പ്രായമായ തലപ്പുകൾ നുള്ളിയെടുത്താണ് കൃഷിസ്ഥലത്ത് നടുന്നത്.ജൂലൈ മുതൽ ഒക്ടോബർ വരെയുള്ള മാസങ്ങളിലാണ് വള്ളികൾ മുറിച്ച് നടുന്നത്.സ്വാദിനൊപ്പം പോഷകസമൃദ്ധം കൂടിയായിരിക്കും ഇതുപയോഗിച്ചുളള വിഭവങ്ങളെല്ലാം.
കേരളത്തിന്റെ ഭൂപ്രകൃതിയ്ക്കും ഏറെയിണങ്ങുന്നതാണ് കൂര്ക്കയുടെ കൃഷി.വിളയുടെ ദൈര്ഘ്യമെന്നു പറയുന്നത് അഞ്ച് മുതല് ആറ് മാസം വരെയാണ്.മഴയും വെയിലുമെല്ലാം മാറിവരുന്ന നിലവിലെ കാലാവസ്ഥയില് എന്തായാലും കൂര്ക്ക നടാവുന്നതാണ്.മണ്ണിലാണ് നടുന്നതെങ്കില് നന്നായി കിളച്ച് കൊടുക്കാവുന്നതാണ്. ആവശ്യമെങ്കില് ഉണങ്ങിയ ചാണകപ്പൊടിയോ വേപ്പിന് പിണ്ണാക്കോ വളമായി ചേര്ക്കാം. ശേഷം 45 സെന്റീമീറ്റര് അകലത്തില് വാരങ്ങളുണ്ടാക്കി 30 സെന്റീമീറ്റര് അകലത്തില് വളളികള് നടാവുന്നതാണ്. വളളികള് ഉണങ്ങിത്തുടങ്ങുമ്പോള് വിളവെടുത്ത് തുടങ്ങാം.നിധി, ശ്രീധര, സുഫല, അംബാസമുദ്രം എന്നിവയാണ് കേരളത്തില് കൃഷി ചെയ്യുന്ന പ്രധാന ഇനങ്ങള്. സുഫല ഏതു കാലാവസ്ഥയിലും വിളവ് നല്കും.കൂര്ക്കയ്ക്ക്
സാധാരണ രോഗകീട ശല്യമൊന്നും ഉണ്ടാകാറില്ല. ഇടയ്ക്ക് നിമാവിര ബാധ ഉണ്ടായേക്കാം. ഇതിനു നേരത്തേതന്നെ കൃഷിയിടം താഴ്ത്തിയിളക്കുകയും മുന്കൃഷിയുടെ അവശിഷ്ടങ്ങള് ശേഖരിച്ച് കത്തിക്കുകയും ചെയ്താല് മതി.
Comments are closed.