അടുക്കളത്തോട്ടം

വയനാടിന്റെ നെല്ലച്ഛൻ ചെറുവയൽ രാമൻ അന്തരിച്ചു

വയനാടിന്റെ പൈതൃക നെൽവിത്തുകളുടെ കാവൽക്കാരനും പത്മശ്രീ പുരസ്‌കാര ജേതാവുമായ ചെറുവയൽ കെ. രാമൻ അന്തരിച്ചു. 74 വയസ്സായിരുന്നു. തനത് നെൽവിത്തുകളുടെ സംരക്ഷണത്തിനും പരമ്പരാഗത കൃഷിരീതികളുടെ നിലനിൽപ്പിനുമായി ജീവിതം സമർപ്പിച്ച വ്യക്തിയായിരുന്നു അദ്ദേഹം. 2023-ൽ രാജ്യം പത്മശ്രീ നൽകി ആദരിച്ച രാമേട്ടൻ, അപൂർവമായ നാടൻ നെൽവിത്തുകൾ സംരക്ഷിച്ചുകൊണ്ട് വയനാടിന്റെ കാർഷിക പൈതൃകം കാത്തുസൂക്ഷിക്കുന്നതിൽ നിർണായക പങ്കുവഹിച്ചു. തലമുറകളായി കൈമാറിവന്ന കൃഷിജ്ഞാനത്തിന്റെയും ജൈവവൈവിധ്യത്തിന്റെയും സംരക്ഷകനെന്ന നിലയിൽ അദ്ദേഹം ശ്രദ്ധേയനായി. വയനാടിന്റെ മണ്ണിനും നെൽവിത്തുകൾക്കും വേണ്ടി ജീവിതം മാറ്റിവെച്ച രാമേട്ടന്റെ വിയോഗം കാർഷിക മേഖലയ്ക്കും നാടിനും തീരാനഷ്ടമാണ്.

പരസ്യം • Advertisement
പങ്കുവെക്കാം (Share): WhatsApp Facebook