സെമിനാർ സംഘടിപ്പിക്കുന്നു. 2022-23 കേരള സർക്കാർ സംരംഭകവർഷമായി ആചരിക്കുന്നതിൻ്റെ ഭാഗമായി വയനാട് ജില്ലയിൽ 3687 യൂണീറ്റുകളും 14000 തൊഴിലവസരങ്ങളും വ്യാവസായിക-കർഷിക-മൃഗസംരംക്ഷണ- ടൂറിസം മേഖലയിൽ സൃഷ്ടിക്കുക എന്ന ലക്ഷ്യത്തോടെ ഒരു ഏകദിനശിൽപശാല സംഘടിപ്പിക്കുന്നു.
വയനാട് ജില്ലാ വ്യവസായ കേന്ദ്രത്തിൻ്റെ ആഭിമുഖ്യത്തിൽ സുൽത്താൻ ബത്തേരി എം.എൽ.എ.ശ്രീ ഐ.സി ബാലകൃഷ്ണൻ്റെ നേതൃത്വത്തിൽ 2022 സെപ്തംബർ 20 ചൊവ്വാഴ്ച സുൽത്താൻ ബത്തേരി അധ്യാപക ഭവനിൽ വെച്ച് നടത്തുന്ന ശില്പശാലയിൽ
നിയജക മണ്ഡലത്തിലെ മുനിസിപ്പൽ ചെയർമാൻ, ബ്ലോക്ക് പ്രസിഡൻ്റുമാർ, പഞ്ചായത്ത് പ്രസിഡന്റ്മാർ എന്നിവർ പങ്കെടുക്കുന്ന പരിപാടിയിൽ എൽ.ഡി.എം, കെ .എഫ് .സി ജില്ലാ മാനേജർ, കെ.എസ്.ബി.സി.ഡി.സി. ജില്ലാ മാനേജർ, വനിത വികസന കോർപ്പറേഷൻ റീജിയണൽ മാനേജർ, കുടുംബശ്രീ മിഷൻ ജില്ലാ കോർഡിനേറ്റർ, എന്നിവർ ക്ലാസുകൾ നയിക്കുന്നു കുടുംബശ്രീ സി.ഡി.എസ് ചെയർപേഴ്സൺ, വ്യവസായ വകുപ്പ് പ്രതിനിധികൾ എന്നിവർ പങ്കെടുക്കുന്നു.
കാർഷിക മേഖലയ്ക്കേറ്റ തിരിച്ചടിയിൽ നട്ടംതിരിയുന്ന വയനാടിൻ്റെ സമ്പദ് വ്യവസ്ഥയെ കൈപിടിച്ചുയർത്താൻ സൂക്ഷ്മ -ചെറുകിട-ഇടത്തരം സംരംഭങ്ങൾക്ക് മാത്രമേ കഴിയൂ എന്ന തിരിച്ചറിവിൽ സർക്കാർ പ്രത്യേക ഊന്നൽ നൽകി സംഘടിപ്പിക്കുന്ന പ്രസ്തുത സെമിനാറിൽ സംരംഭം ആരംഭിക്കാൻ ആഗ്രഹിക്കുന്നവരുടെ എല്ലാ സംശയങ്ങൾക്കും മറുപടി ലഭിക്കുന്നതാണ്. ഉൽപ്പാദന, സേവന, കച്ചവട രംഗത്ത് സംരംഭങ്ങൾ തുടങ്ങാൻ ഒരുങ്ങുന്നവർക്ക് ഈ അവസരം പരമാവധി പ്രയോജനപ്പെടുത്താം..
Comments are closed.