കാർഷിക വിജയഗാഥകൾ

സംരംഭക പ്രേരിതമായ പ്രോജക്ടുകള്‍ക്ക്‌ ധനസഹായം

സംസ്ഥാന ഹോര്‍ട്ടികള്‍ച്ചര്‍ മിഷന്‍-കേരള മുഖാന്തിരം സംസ്ഥാനത്ത്‌ നടപ്പിലാക്കുന്ന മിഷന്‍ ഫോര്‍ ഇന്റെഗ്രേറ്റഡ്‌ ഡെവലപ്പ്മെന്റ്‌ ഓഫ്‌ ഹോര്‍ട്ടിക്കള്‍ച്ചര്‍ എന്ന ക്രേന്ദാവിഷ്‌കൃത പദ്ധതിയിലൂടെ സംയോജിത വിളവെടുപ്പാനന്തര പരിപാലനം എന്ന ഘടകത്തിന്റെ ഭാഗമായി പായ്ക്ക്ഹാസുകള്‍, പ്രീ-കൂളിംഗ്‌ യൂണിറ്റുകള്‍, ശീതീകരണമുറി, മൊബൈല്‍ ശീതീകരണശാല, റീഫര്‍ വാനുകള്‍, റൈപ്പനിംഗ്‌ ചേംബര്‍, പ്രോസസ്സിംഗ്‌ യൂണിറ്റ്‌, പ്രിസര്‍വേഷന്‍ യൂണിറ്റ്‌ എന്നിവ സ്ഥാപിക്കുന്നതിന്‌ ധനസഹായം നല്‍കിവരുന്നു. സംരംഭക പ്രേരിതമായ ഈ പ്രോജക്ടുകള്‍ വായ്പാബന്ധിതമായാണ്‌ നടപ്പിലാക്കുന്നത്‌. പദ്ധതി പൂര്‍ത്തീകരണത്തിന്‌ ശേഷം മൂല്യനിര്‍ണ്ണയത്തിന്‌ ആനുപാതികമായി സഹായധനം അനുവദിക്കുന്നതാണ്‌. വ്യക്തികള്‍, കര്‍ഷക കൂട്ടായ്മകള്‍, പൊതുമേഖലാ സ്ഥാപനങ്ങള്‍, രജിസ്റ്റേര്‍ഡ്‌ സൊസൈറ്റികള്‍, സഹകരണ സംഘങ്ങള്‍, പഞ്ചായത്തുകള്‍, (്രസ്റ്റുകള്‍, വനിതാ കര്‍ഷക സംഘങ്ങള്‍, 25 അംഗങ്ങളുള്ള സ്വയം സഹായ സംഘങ്ങള്‍ തുടങ്ങിയവര്‍ക്ക്‌ സഹായത്തിന്‌ അര്‍ഹതയുണ്ടായിരിക്കും. സമതല പ്രദേശങ്ങളിലെ ധനസഹായത്തിന്‌ പുറമേ വയനാട്‌, ഇടുക്കി എന്നീ മലയോരപ്രദേശങ്ങള്‍ക്ക്‌ 15 ശതമാനം അധിക ധനസഹായവും അനുവദിക്കുന്നതാണ്‌. കൂടുതല്‍ വിവരങ്ങള്‍ക്ക്‌ സംസ്ഥാന ഹോര്‍ട്ടികള്‍ച്ചര്‍ മിഷന്‍ – കേരളയുമായി 0471-2330858/2330867 എന്നീ നമ്പരുകളില്‍ ബന്ധപ്പെടുക.

പരസ്യം • Advertisement
പങ്കുവെക്കാം (Share): WhatsApp Facebook

Leave a Reply