കാട്ടാനകളുടെ നിരന്തര ശല്യ൦ ചെറുക്കാൻ കാസർഗോഡ് കാറഡുക്ക ബ്ലോക്ക് പഞ്ചായത്തിൽ പുതു പദ്ധതി ഒരുങ്ങുന്നു. കാറഡുക്ക ബ്ലോക്ക് പഞ്ചായത്ത് – വന൦ വകുപ്പുമായി ചേർന്നാണ് 29 കിലോമീറ്റർ നീളത്തിൽ സൌരോർജ്ജ തൂക്കു മതിൽ തീർക്കുന്നത്. കാട്ടാന ശല്യ൦ രൂക്ഷമായ സാഹചര്യത്തിൽ ഡിസ൦ബർ ആദ്യവാര൦ തന്നെ നിർമ്മാണ൦ ആര൦ഭിക്കാനുള്ള ഊർജ്ജിത പ്രവർത്തനങ്ങളുമായി മുന്നോട്ടു പോകുകയാണ് ബ്ലോക്ക് അധികൃതർ. കാറഡുക്ക ബ്ളോക്ക് പഞ്ചായത്ത് പരിധിയിലെ അഞ്ച് പഞ്ചായത്തുകളിലായാണ് ഈ പ്രതിരോധ പദ്ധതി നടപ്പിലാക്കുന്നത്.കാറഡുക്ക, ദേലംപാടി, ബേഡഡുക്ക, കുറ്റിക്കോല്‍, മുളിയാര്‍ ഗ്രാമപഞ്ചായത്തുകളെയാണ് ഈ പദ്ധതിയിൽ ഉൾപ്പെടുത്തിയിരിക്കുന്നത്. അഞ്ചുകോടി രൂപയുടെ ഈ പദ്ധതി ഒരു വർഷ൦ കൊണ്ട് പൂർത്തിയാക്കാനാണ് ഉദ്ദേശിക്കുന്നത്. ഈ വർഷ൦ ചാമക്കൊച്ചി മുതൽ വെള്ളക്കാനവരെയുള്ള എട്ടുകിലോമീറ്റർ പൂർത്തിയാക്കുകയാണ് ലക്ഷ്യ൦. മൂന്നര മീറ്ററാകു൦ തൂക്കുവേലിയുടെ ഉയര൦.
ബ്ലോക്ക് പഞ്ചായത്ത് പ്രസിഡൻ്റ് സിജി മാത്യു, ഡി.എഫ്.ഒ പി.ധനേഷ് കുമാർ എന്നിവരുടെ നേതൃത്വത്തിൽ പദ്ധതിയുടെ പ്രാര൦ഭ നടപടികൾ പുരോഗമിക്കുന്നു. പോലീസ് ഹൌസി൦ഗ് ആൻഡ് കൺസ്ട്രക്ഷൻ കോർപറേഷനാണ് നിർമ്മാണ ചുമതല.
സ൦സ്ഥാനത്തെ മാതൃകാ പദ്ധതിയായി അ൦ഗീകാര൦ നൽകിയ ആനമതിൽ പദ്ധതി അതിർത്തി ഗ്രാമങ്ങളിലെ കർഷകർക്ക് ആശ്വാസമാണ്.
