കാർഷിക ഓൺലൈൻ പത്രമായ കൃഷിപ്പുര.കോം കുട്ടികളിൽ കൃഷിവളർത്തുക എന്ന ലക്ഷ്യത്തോടെ കേരളാ കാർഷിക സർവ്വകലാശാലയുടെ കീഴിലുള്ള അമ്പലവയൽ കൃഷിവിജ്ഞാന കേന്ദ്രവുമായി സഹകരിച്ചു പത്തവയസിൽ താഴെയുള്ള കുട്ടികൾക്കായി സംസ്ഥാനതലത്തിൽ കുട്ടികളും കൃഷിയും എന്ന വിഷയത്തിൽ അഗ്രി ഫോട്ടോഗ്രാഫി മത്സരം സംഘടിപ്പിക്കുന്നു. ഒന്നാം സമ്മാനമായി 3001 രൂപയും ഫലകവും രണ്ടാം സമ്മാനം2001 രൂപയും ഫലകവും മൂന്നാം സമ്മാനമായി 1001 രൂപയും ഫലകവും കൂടാതെ പ്രോത്സാഹന സമ്മാനങ്ങളും നൽകും .വലിയൊരു മഹാമാരിയുടെ കാലത്ത് ജീവിക്കുന്ന നാം പലപ്പോഴും വീട്ടിൽ നിന്നും പുറത്തിറങ്ങാൻ സാധിക്കാതെ വന്ന ദിവസങ്ങൾ വരെ ഉണ്ടായിട്ടുണ്ട് ഈ അവസ്ഥയിൽ നമ്മുടെ കുഞ്ഞുങ്ങൾ അടക്കം തൊടിയിൽ ഇറങ്ങുകയും മാതാപിതാക്കൾക്കൊപ്പം കൃഷിചെയ്യുകയും ചെയ്തിട്ടുണ്ട് .അവർ കൃഷി ചെയ്തും കാർഷിക അറിവുകൾ നേടിയും മുന്നോട്ട് പോകുമ്പോൾ ഈ കുഞ്ഞു മനസുകൾക്ക് പ്രോത്സാഹനം നൽകുകയാണ് കൃഷിപ്പുരയുടെ ലക്ഷ്യം.
ഈ ഫോട്ടോ ചലഞ്ചിൽ പങ്കെടുക്കാൻ താൽപ്പര്യമുള്ളവർ ജൂലൈ20 മുൻപ് കുട്ടികളും കൃഷിയും എന്ന വിഷയത്തെ ആസ്പദമാക്കിയുള്ള ചിത്രങ്ങൾ 9895928900 എന്ന വാട്സാപ്പിലോ അല്ലെങ്കിൽ krishippura@gmail.com ഇമെയിൽ വിലാസത്തിലോ അയക്കാം. ചിത്രങ്ങൾ കൃഷിപ്പുരയുടെ ഫേസ്ബുക്ക് പേജിൽ ആഗസ്ത് ഒന്നിന് പോസ്റ്റ് ചെയ്യും ആഗസ്ത് മത്സരം അവസാനിക്കും. ഈ ചിത്രങ്ങളിൽ നിന്നും മികച്ച മൂന്ന് ചിതങ്ങൾ സംഘടകർ തെരഞ്ഞെടുക്കും. കൂടാതെ ഏറ്റവും കൂടുതൽ ലൈക്കും ഷെയറും ചെയ്യുന്ന ചിത്രങ്ങളും മികച്ച ചിത്രങ്ങളുടെ പരിഗണനയിൽ വരും. ഇങ്ങനെയുള്ള മികച്ച ചിത്രങ്ങൾക്ക് പ്രോത്സാഹന സമ്മാനങ്ങളും നൽകും.കർഷദിനമായ ചിങ്ങം ഒന്നിന് ഫലപ്രഖ്യാപനം നടത്തും.
