Star fruit അഥവാ വൈരപ്പുളി
നക്ഷത്രപ്പഴം, വൈരപ്പുളി എന്നൊക്കെ അറിയപ്പെടുന്ന ചതുരപ്പുളി പണ്ടുതുടങ്ങിത്തന്നെ നമ്മുടെ നാട്ടിൽ കണ്ടുവരുന്ന ഒരിനം പുളിയാണ്. ഇംഗ്ളീഷിൽ കാരംബോള എന്നാണ് നാമം. അവരോയ കാരംബോള (Averrhoa Carambola) എന്നതാണ് ഇതിന്റെ ശാസ്ത്രനാമം.
പഴുത്ത പഴത്തിൽ തയ്യാറാക്കുന്ന സർബത്ത് ഏറെ ആസ്വാദ്യകരമാണ്. ഇതുതന്നെ അത്യാവശ്യ ചേരുവകളും ചേർത്ത് ഐസ്ക്രീം പോലെ തണുപ്പിച്ച് ഉപയോഗിക്കുകയും ചെയ്യാം. പഞ്ചസാര ആവശ്യത്തിനു ചേർത്താൽ കേക്ക് നിർമാണത്തിലും ഉപയോഗിക്കാം.( എന്നാൽ പഞ്ചസാര കഴിവതും ഒഴിവാക്കുന്നതാണ് നല്ലത്). ഒരുതരം വീഞ്ഞും ഇതിൽനിന്ന് ഉൽപ്പാദിപ്പിക്കാറുണ്ട്.
ഔഷധക്കലവറ
ആരെയും വിസ്മയിപ്പിക്കുന്ന ഔഷധ മേന്മകളുടെ കലവറയാണ് ചതുരപ്പുളി. വിവിധങ്ങളായ ആന്റിഓക്സിഡന്റ്സിന്റെ സ്രോതസ്സാണ് കായ. ഫലത്തിൽ അടങ്ങിയിരിക്കുന്ന ബൻസാഫിനോൺസ് ഉദരാർബുദകാരിയായ കോശങ്ങളെ നശിപ്പിക്കാൻ കഴിവുള്ളതാണെന്ന് പഠനങ്ങളിൽ പറയുന്നു.
നേരിയ മഞ്ഞനിറത്തിലുള്ള ഇതിന്റെ വിത്ത് ആൽക്കഹോളിന്റെ അംശം താരതമ്യേന കുറവായതിനാൽ ചില രാജ്യങ്ങളിൽ ഹെൽത്ത് ഡ്രിങ്ക് എന്ന നിലയ്ക്ക് ഉപയോഗിച്ചുവരുന്നു.
ഉദരസംബന്ധമായ അസ്വസ്ഥതകൾ, അതിസാരം എന്നിവയ്ക്ക് പരിഹാരമായും ഭക്ഷ്യവസ്തുക്കളിലെ വിഷാംശങ്ങൾ നീക്കാനും ഇതിന്റെ നീര് നല്ലതാണ്. ചതുരപ്പുളിയുടെ വിത്തിൽ മാംസ്യം, നാര്, കാർബോഹൈഡ്രേറ്റ്, പൂരിതവും അപൂരിതവുമായ കൊഴുപ്പമ്ലങ്ങൾ എന്നിവ അടങ്ങിയിട്ടുണ്ട്.
വിത്തിൽ നിന്ന് വേർതിരിക്കുന്ന തൈലത്തിൽ മിരിസ്റ്റിക്ക്, പാമിറ്റിക്ക്, സ്റ്റിയറിക്ക്, പാമിറെറ്റാലിക്, ബഹമിക് അമ്ലങ്ങളും ഉണ്ട്. മരത്തിന്റെ തൊലിയിൽ നിന്ന് മോറെല്ലോഫ്ളേവോൺ (Morel oflavon) എന്നു പേരായ ഒരുതരം ഫ്ളവനോയിഡ് സംയുക്തം വേർതിരിച്ചിട്ടുണ്ട്. ഇലയിലാകട്ടെ കാർബോസിലിക് അമ്ലം, ഫ്രിഡൈലിൽ, സിറ്റോസ്റ്റിറോൾ എന്നിവയും കാണപ്പെടുന്നു. ഗ്രാഫ്റ്റ് ചെയ്ത ഇതിന്റെ തൈകൾ വലിയ പാത്രങ്ങളിൽ ബോൺസായ് രൂപത്തിൽ വളർത്തിയെടുത്ത് കായ് പിടിപ്പിച്ചാൽ ഒന്നാന്തരമൊരു അലങ്കാരച്ചെടിയുമായി മാറ്റാം.
മുടിയുടെ ആരോഗ്യത്തിന്
1.വിറ്റാമിന് സി
വിറ്റാമിന് സി ധാരാളം അടങ്ങിയിട്ടുള്ളതാണ് ഇരുമ്പന് പുളി. ഇത് മുടി കൊഴിച്ചില് ഇല്ലാതാക്കുന്നു. മാത്രമല്ല സ്റ്റാര്ഫ്രൂട്ട് കഴിയ്ക്കുന്നത് എല്ലിന്റേയും പല്ലിന്റേയും ആരോഗ്യത്തേയും സഹായിക്കുന്നു.
2.മുടിയുടെ മൃദുലത
വരണ്ട മുടിയെ പ്രതിരോധിയ്ക്കാനും സ്റ്റാര്ഫ്രൂട്ടിന് കഴിയുന്നു. സ്റ്റാര്ഫ്രൂട്ട് സ്ഥിരമായി കഴിയ്ക്കുന്നത് മുടിയ്ക്കും ചര്മ്മത്തിനും തിളക്കം നല്കുന്നു.
3.ഇരുമ്പിന്റെ അംശം കൂടുതല്
മുടി വളര്ച്ച മാത്രമല്ല ആരോഗ്യമില്ലാത്ത മുടിയ്ക്ക് ആരോഗ്യം നല്കുന്നതിന് സ്റ്റാര്ഫ്രൂട്ട് സഹായിക്കുന്നു.
4.ഇരുമ്പിന് പുളി വെള്ളം
ഇരുമ്പിന് പുളി വെള്ളം കഴിയ്ക്കുന്നതും മുടിയുടെ അറ്റം പിളരുന്നതിനെ പ്രതിരോധിയ്ക്കുന്നു.
5.വിറ്റാമിന് ബി കോംപ്ലക്സ
വിറ്റാമിന് ബി കോംപ്ലക്സ് ധാരാളം അടങ്ങിയിട്ടുണ്ടെന്നതും മുടി വളര്ച്ചയെ സഹായിക്കുന്ന പ്രധാന ഘടകമാണ്
