സംസ്ഥാനത്തെ കോഴി കർഷകരെ സഹായിക്കുന്നതിന് പൊതുമേഖലാ സ്ഥാപനമായ കേരള ഫീഡ്‌സ് അതുല്യം ഗ്രോവർ കോഴിത്തീറ്റ വിപണിയിയിലിറക്കി. എട്ടു മുതൽ 20 ആഴ്ച വരെ പ്രായമുള്ള മുട്ടക്കോഴിക്കുള്ള തീറ്റ ആണിത്. കോഴിത്തീറ്റയുടെ വിപണനോദ്ഘാടനം മൃഗസംരക്ഷണ ക്ഷീരവികസന മന്ത്രി ജെ.ചിഞ്ചുറാണി നിർവഹിച്ചു. ഓൺലൈനായി നടന്ന ചടങ്ങിൽ കേരളഫീഡ്‌സ് ബ്രാൻഡ് അംബാസഡർ നടൻ ജയറാം പങ്കെടുത്തു.
കേരളത്തിൽ അത്യുല്പാദനശേഷിയുള്ള ആരോഗ്യമുള്ള കോഴിക്കുഞ്ഞുങ്ങളെ വളർത്തിയെടുത്ത് മുട്ട ഉത്പാദനത്തിൽ സ്വയംപര്യാപ്തത നേടുകയാണ് ലക്ഷ്യമെന്ന് മന്ത്രി പറഞ്ഞു. ഗുണമേ•യുള്ള കോഴിത്തീറ്റ കർഷകർക്ക് ലഭ്യമാക്കുന്നതിനാണ് പൊതുമേഖലാ സ്ഥാപനമായ കേരള ഫീഡ്‌സ് പുതിയ കോഴിത്തീറ്റ വിപണിയിലെത്തിക്കുന്നത്.
കോഴിത്തീറ്റ ഉൽപ്പാദിപ്പിക്കുന്നതിന് ആവശ്യമായ പ്രധാന അസംസ്‌കൃത വസ്തുവാണ് സോയാബീൻ. കേരളത്തിൽ സോയാബീൻ കൃഷി ചെയ്യുന്നില്ല. ഇന്ത്യ ഉൽപാദിപ്പിക്കുന്ന സോയാബീൻ പുറത്തേക്ക് കയറ്റുമതി ചെയ്യുന്ന സാഹചര്യമാണ് നിലവിലുള്ളത്. അത് തീറ്റയുടെ വിലവർധനവിന് കാരണമാകുന്നു. കൃഷി വകുപ്പുമായി സഹകരിച്ച് സോയാബീൻ കേരളത്തിൽ കൃഷി ചെയ്യും. കോഴിത്തീറ്റയുടെ വിലവർധനവിൽ വലയുന്ന കോഴി കർഷകരെ സഹായിക്കാനാണ് കിലോയ്ക്ക് 40 രൂപ ചെലവ് വരുന്ന അതുല്യം കോഴിത്തീറ്റവില കുറച്ചു നൽകുന്നതെന്ന് മന്ത്രി വ്യക്തമാക്കി.
പശുക്കളുടെ പ്രത്യുൽപാദനശേഷി സംബന്ധമായ പ്രശ്‌നമായിരുന്നു ക്ഷീരകർഷകൻ ആയ താൻ നേരിട്ട വെല്ലുവിളിയെന്നും കഴിഞ്ഞ രണ്ടര വർഷമായി കേരള ഫീഡ്‌സ് കാലിത്തീറ്റ ഉപയോഗിച്ചതോടെ ഇതിന് പരിഹാരമായെന്നും ജയറാം പറഞ്ഞു. കേരള ഫീഡ്‌സ് എം ഡി ഡോ: ബി ശ്രീകുമാർ, കേരള ഫീഡ്‌സ് അസിസ്റ്റന്റ് ജനറൽ മാനേജർ ഉഷാ പത്മനാഭൻ എന്നിവർ പങ്കെടുത്തു.

എം കെ പി മാവിലായി
_________
നട്ട് കഴിഞ്ഞ് മൂന്നോ നാലോ വർഷത്തേക്ക് ഗ്രാമ്പൂവിന് പ്രത്യേക പരിചരണം ആവശ്യമാണ്.
മണ്ണിൽ എന്നും ഈർപ്പം നിലനിൽക്കത്തക്കവിധത്തിൽ ജലസേചനം നൽകണം. ആദ്യ കാലങ്ങളിൽ ചെടിയുടെ വളർച്ചക്ക് 25 ശതമാനം സൂര്യരശ്മി മതിയാകും. മൂന്നോ നാലോ വർഷത്തിനുളിൽ അത് 50 ശതമാനമാക്കി വർദ്ധിപ്പിക്കാം. കള നിയന്ത്രണം ആവശ്യാനുസരണം നടത്തണം.
ഗ്രാമ്പൂ ചെടികളുടെ കരുത്തേറിയ വളർച്ചക്ക്
ജൈവ വളങ്ങളും രാസവളങ്ങളും ചേർന്ന വളപ്രയോഗ രീതിയാണ് കേരള കാർഷിക സർവ്വകലാശാല ശുപാർശ ചെയ്യുന്നത്.

ചെടി ഒന്നിന് 15 കി.ഗ്രാം വീതം കാലിവളമോ, കംബോസ്റ്റോ കാലവർഷക്കാലത്ത് ചേർത്തു കൊടുക്കണം. ഇതിന് പുറമെ ഒരു വർഷം പ്രായമായ ചെടി ഒന്നിന് 20 ഗ്രാം നൈട്രജൻ, 18 ഗ്രാം ഫോസ്ഫറസ്, 50 ഗ്രാം പൊട്ടാഷ് എന്നിവ ലഭിക്കത്തക്കവണ്ണം രാസവളങ്ങളും നൽകേണ്ടതാണ്. രണ്ടാം കൊല്ലം രാസവളത്തിന്റെ ഈ തോത് ഇരട്ടിയാക്കാം. ഇത് ക്രമേണ വർദ്ധിപ്പിച്ച് 15 കൊല്ലം പ്രായമാകുമ്പോ ഴേക്കും ചെടി ഒന്നിന് വർഷത്തിൽ 300 ഗ്രാം നൈട്രജൻ, 250 ഗ്രാം ഫോസ്ഫറസ്, 750 ഗ്രാം പൊട്ടാഷ് എന്നിവ ലഭിക്കത്തക്കവിധമുള്ള രാസവളങ്ങൾ ചേർത്തു കൊടുക്കണം.
രാസവളങ്ങൾ രണ്ടു തുല്യ തവണകളായി കാലവർഷാരംഭത്തിലും കാലവർഷത്തിന് ശേഷവും നൽകാം.
അതിശക്തമായ മഴക്കാലത്തും, വരണ്ട സാഹചര്യങ്ങളിലും രാസവളപ്രയോഗം ഒഴിവാക്കണം.
ചെടിയുടെ ചുവട്ടിൽ നിന്നും ഒന്നു മുതൽ ഒന്നേ കാൽ മീറ്റർ വരെ അകലത്തിൽ ആഴം കുറഞ്ഞ തടം എടുത്ത് വേണം രാസവളം ചേർക്കാൻ .

ആവശ്യമുള്ള നൈട്രജനെ 2.17 കൊണ്ടു ഗുണിച്ചാൽ ചേർക്കേണ്ട യൂറിയയുടെ അളവ് കിട്ടും.
ഫോസ്ഫറസിന്റെ അളവിനെ 5 കൊണ്ട് ഗുണിച്ചാൽ ആവശ്യമായ രാജ്ഫോസ് അല്ലെങ്കിൽ മസൂറിഫോസിന്റെ അളവ് കിട്ടും.
പൊട്ടാഷിന്റെ അളവിനെ 2 കൊണ്ട് ഗുണിച്ചാൽ ആവശ്യമായ പൊട്ടാഷ് വളത്തിന്റെ (മ്യൂറേറ്റ് ഓഫ് പൊട്ടാഷ് ) അളവ് കിട്ടും.
ഉദാഹരണത്തിന്
300 ഗ്രാം നൈട്രജൻ കിട്ടാൻ ആവശ്യമായ യൂറിയ
300 ഗ്രാം x 2.17 = 651 ഗ്രാം.

250 ഗ്രാം ഫോസ്ഫറസ് കിട്ടാൻ ആവശ്യമായ രാജ് ഫോസ് അല്ലെങ്കിൽ മസൂറിഫോസ്
250 ഗ്രാം x 5 = 1250 ഗ്രാം

750 ഗ്രാം പൊട്ടാഷ് കിട്ടാൻ ആവശ്യമായ പൊട്ടാഷ് വളം
750 ഗ്രാം x 5 = 1500 ഗ്രാം

രാസവളങ്ങൾ ചേർക്കാത്ത പക്ഷം പകരം പിണ്ണാക്ക് വളങ്ങൾ, എല്ലു പൊടി , ചാരം, ജീവാണുവളങ്ങൾ എന്നിവ ചേർക്കണം.
നല്ല രീതിയിൽ വളപ്രയോഗം നടത്തിയാൽ ഗ്രാമ്പൂ നട്ട് നാലാം വർഷം തന്നെ പൂവണിയും. എന്നാൽ മികച്ച രീതിയിൽ വിളവ് ലഭിക്കാൻ പത്തു വർഷമെങ്കിലും പിടിക്കും. നല്ല പരിതസ്ഥിതിയിലും പരിചരണത്തിലും വളരുന്ന ചെടികൾ പിന്നീട് 80 വർഷം വരെ നല്ല വിളവ് നൽകി കൊണ്ടിരിക്കും.

പട്ടാള ഈച്ചകളെ ഉപയോഗിച്ചു മാലിന്യ സംസ്കാരണത്തിനും കോഴി, മത്സ്യവള നിർമ്മാണത്തിനും ജൈവവളനിർമാണത്തിനും വൻ പദ്ധതിയുമായി മാഹി പുത്തലം ഗണശക്‌തിയുടെ മനോഹരനും സംഘവും.

ജൈവമലിന്യ സംസ്കാരണത്തിനു ഒട്ടനവധി പരീക്ഷണങ്ങൾ നടത്തിയവരാണ് നമ്മൾ. ഓരോന്നിനും അതിന്റെതായ പ്രശ്നങ്ങളും പ്രയാസങ്ങളും കാരണം പാതിവഴിയിൽ ഉപേക്ഷിക്കേണ്ടി വന്നിട്ടുമുണ്ട്. എന്നാൽ കാര്യമായ പ്രശ്നകളില്ലാതെ, ദുർഗന്ധമില്ലാതെ ഗാർഹിക മാലിന്യം സംസ്ക്കരിച്ചു കിട്ടുകയും അതോടൊപ്പം പ്രോട്ടീൻ സമ്പന്നമായ കോഴിത്തീറ്റയും മത്സ്യത്തീറ്റയും ഗുണമേന്മയുള്ള വളവും ലഭിക്കുകയും ചെയ്യുന്ന മലിന്യ സംസ്കരണ രീതിക്ക് ഇപ്പോൾ വലിയ പ്രചാരം ലഭിച്ചുകൊണ്ടിരിക്കുകയാണ്.

പട്ടാളഈച്ചകളുടെ ലാർവകളാണ് ( Black Soldier Flies ) ഒരേസമയം മാലിന്യം വളമാക്കുകയും നൽപ്പത് ശതമാനത്തോളം പ്രോട്ടീൻ പ്രദാനം ചെയ്യുന്ന ഒന്നാന്തരം തീറ്റ സമ്മാനിക്കുകയും ചെയ്യുന്നത്. നമ്മുടെ പരിസരങ്ങളിൽ തന്നെയുള്ള ബി. എസ്. എഫ് ഈച്ചകൾ വളരെയധികം ഉപകരികളാണെന്ന് മാത്രമല്ല യാതൊരുവിധ ഉപദ്രവങ്ങളും ഉണ്ടാക്കുന്നവയുമല്ല. ഇവയുടെ ലാർവകളെ കോഴി മത്സ്യത്തീറ്റക്കായി ലോകവ്യാപകമായി ഇപ്പോൾ തന്നെ പ്രയോജനപ്പെടുത്തി വരുന്നുണ്ട്. എന്നാൽ ചെറിയ ഡ്രംമുകളോ ബക്കറ്റുകളോ അൽപ്പം രൂപമാറ്റം വരുത്തി അവയിൽ ജൈവമാലിന്യങ്ങൾ നിക്ഷേപ്പിച്ചാൽ പട്ടാള ഈച്ചകളെ അതിലേക്കു സ്വഭാവികമായി ആകർഷിക്കുവാൻ കഴിയും. ഓരോ ഈച്ചയുടെയും മുട്ടയിൽ ആയിരത്തോളം ലാർവകൾ ഉണ്ടാകുകയും അവ ദിവസങ്ങൾക്കകം ജൈവമാലിന്യം ഭക്ഷിച്ചു വളക്കൂറുള്ള ദ്രാവകം പുറത്തേക്ക് വരുകയും ചെയ്യും. ഈ ദ്രാവകം പത്തിരട്ടി വെള്ളം ചേർത്ത് പ്രയോഗിച്ചാൽ വിളകൾക്കും

അലങ്കാരചെടികൾക്കും ഒന്നാന്തരം വളമാകും . ലാർവകളെ ശേഖരിച്ചു കോഴികൾക്കും മത്സ്യത്തിനും തീറ്റയായി നൽകുവാനും കഴിയും . നൽപ്പത് ശതമാനത്തോളം പ്രോട്ടീനും മുപ്പത് ശതമാനം കൊഴുപ്പും അടങ്ങിയിട്ടുള്ള ഇത്തരം ലാർവകൾ കോഴി, മത്സ്യകൃഷിയിലെ ചെലവ് ഗണ്യമായിക്കുറക്കാൻ സഹായിക്കും. വരാൽ പോലുള്ള മത്സ്യങ്ങളുടെ ഇഷ്ട വിഭവവുമാണ് ജീവനുള്ള ലാർവകൾ.

ഗാർഹിക മാലിന്യം എളുപ്പം സാംസ്‌ക്കരിക്കാൻ സഹായിക്കുന്ന ‘ ബയോപോഡ് ‘ എന്നറിയപ്പെടുന്ന ഈ ജൈവവള യൂണിറ്റിന്റെ നിർമാണം വളരെ ലളിതമാണ്. ലഭ്യമായ ജൈവവശിഷ്ടത്തിന്റെ അളവിനനുസരിച്ച് ഉപയോഗിക്കുന്ന പാത്രത്തിന്റെ അളവ് തീരുമാനിക്കാം. മൂടി അടച്ചുവെക്കുന്ന പത്രത്തിന് ഈച്ചകൾ കടന്ന് വരാനും അതേസമയം വെള്ളം നേരിട്ട് പതിക്കാതിരിക്കാനും ടി ആകൃതിയിൽ ഉള്ള ഒരു പൈപ്പ് മുകളിൽ സ്ഥാപിക്കുന്നു. പൈപ്പിന്റെ പാത്രത്തിനുള്ളിൽ വരുന്ന ഭാഗത്ത് ഈച്ചകൾക്ക് മുട്ടയിടനായി സൺപാക്ക് ഷീറ്റ്കളോ അതുപോലുള്ള കാർഡ് ബോർഡ്‌ ഷീറ്റ്കളോ ചുറ്റിവെക്കണം. സാംസ്‌ക്കരിക്കപ്പെടുന്ന ദ്രവ രൂപത്തിലുള്ള ജൈവാംശം പുറത്തേക്ക് ഒഴുകി വരാനുള്ള പൈപ്പ് ഏറ്റവും താഴെയും വേണം. പാത്രത്തിന്റെ മുകളിൽ ഒരു വശത്ത് ലാർവകൾക്ക് പുറത്തേക്ക് വരാനുള്ള ഒരു പൈപ്പും അവയെ ശേഖരിക്കാനുള്ള സംവിധാനവും ഘടിപ്പിക്കണം.

ആദ്യ ഘട്ടത്തിൽ ലാർവ രൂപപ്പെടുവാനുള്ള സമയം നൽകി കുറച്ച് ജൈവാവശിഷ്ടങ്ങൾ മാത്രമേ നിക്ഷേപിക്കാവൂ. പിന്നീട് ലഭ്യമായ ജൈവവശിഷ്ടങ്ങൾ നിക്ഷേപിക്കാം. മുട്ടയിട്ടു ദിവസങ്ങൾക്കുള്ളിൽത്തന്നെ നശിച്ചു പോകുന്ന പട്ടാള ഈച്ചകൾ തികച്ചും പരിസ്ഥിതി സൗഹൃദമായാണ് പ്രവർത്തിക്കുന്നത്. പാത്രത്തിൽ കൂടുതൽ വെള്ളം കെട്ടിക്കിടക്കാനും ഉറുമ്പുകൾ വരാതിരിക്കാനും പ്രത്യേകം ശ്രദ്ധിക്കണം. വിദേശരാജ്യങ്ങളിൽ ഇത്തരം ഈച്ചകളെ വളർത്തിയാണ് ലാർവകളെ ഉണ്ടാക്കുന്നത്. എന്നാൽ കേരളത്തിലെ സവിശേഷ സാഹചര്യത്തിൽ അവ നമുക്ക് ചുറ്റും ഉണ്ടെന്നതും ഒരു അനുഗ്രഹമാണ്.

‘ ബയോപോഡുകൾ ‘ നിർമിച്ചു നൽകുകയും ആവശ്യമായ നിർദ്ദേശങ്ങൾ ലഭ്യമാക്കുകയും ചെയ്യാനുള്ള സംവിധാനം പുത്തലം ഗണശക്തി ഏർപ്പെടുത്തിയിട്ടുണ്ട്.

കെ. പി. ജയരാജൻ. മാഹി
ഫോൺ : 9446347813