കേന്ദ്ര ജൈവ സാങ്കേതിക വകുപ്പിന്റെ കീഴില് തിരുവനന്തപുരത്ത് പ്രവൃത്തിക്കുന്ന രാജീവ് ഗാന്ധി ജൈവസാങ്കേതിക ഗവേഷണ കേന്ദ്രം(RGCB), കേന്ദ്ര ശാസ്ത്ര സാങ്കേതിക വകുപ്പിന്റെ ധനസഹായതോടെ നടത്തുന്ന പദ്ധതിയുടെ ഭാഗമായി വയനാട്ടിലെ തനത് നെല്ലിനങ്ങളെക്കുറിച്ച് വിശദമായ പ്രമാണീകരണം നടത്തുകയും അമൂല്യമായ ആ ജനിതക വൈവിധ്യത്തെ പാടങ്ങളിൽ തന്നെ സംരക്ഷിക്കുന്നതിനും വേണ്ടി കൽപറ്റ കേന്ദ്രമാക്കി പ്രവർത്തിച്ചു വരുന്നു. തനതു നെല്ലിനങ്ങൾ കൃഷി ചെയ്യുന്ന കർഷകരെ കണ്ടെത്തി നെൽ വിത്തുകൾ ശേഖരിക്കുകയും അതിന്റെ വിശദമയ ശാസ്ത്രീയ പഠനവും RGCB ഡയറക്ടർ പ്രൊഫസർ ചന്ദ്ര ഭാസ് നാരായണയുടെ നേതൃത്വത്തിലുള്ള ഗവേഷണസംഘം നടത്തിവരുന്നു. പ്രാഥമിക പഠനത്തിൽ 35 ഇനം നെല് വിത്തുകൾ ജില്ലയിലെ വിവിധ പ്രദേശങ്ങളിൽ നിന്നും കണ്ടെത്താൻ കഴിഞ്ഞു. ഈ ഇനങ്ങളുടെ ജനിതക ഘടനയിലുള്ള പ്രത്യേകതയും പോഷക ഘടനാ പരമായ സവിശേഷതകളുടേയും പഠനം RGCB യിൽ പുരോഗമിക്കുന്നു.
അതിവേഗം സംഭവിച്ചു കൊണ്ടിരിക്കുന്ന കാലാവസ്ഥാ വ്യതിയാനത്തേയും, കീട-രോഗ ബാധകളേയും ചെറുത്തു നിൽക്കാൻ പരമ്പരാഗത നെല്ലിനങ്ങൾക്കുള്ള കഴിവ് എടുത്തു പറയേണ്ടതാണ്. എന്നാൽ ഉത്പാദത്തിലുള്ള കുറവും, പരമ്പരാഗത ഇനങ്ങൾക്ക് യോജിച്ചയന്ത്രവത്കരണത്തിന്റെ അപാകതയും, തന്മൂലമുള്ള കുറഞ്ഞ വരുമാനവും ഒരു പ്രതിസന്ധിയായി നിലനിൽക്കുന്നു. ഇത്തരം പോരായ്മകൾ എല്ലാം മനസ്സിലാക്കി, RGCB, ജില്ലയിലെ തനതു നെല്ലിനങ്ങൾ കർഷകരുടെ സഹായത്തോടെ അവരുടെ കൃഷിയിടങ്ങളിൽ സംരക്ഷിക്കുന്നതിനും ഗുണമേന്മ നഷ്ടപ്പെടാതെ സംസ്ക്കരിച്ച് മാർക്കറ്റുകളിൽ എത്തിക്കുന്നതിനുമുള്ള പദ്ധതികൾ ആവിഷ്ക്കരിച്ച് പ്രവർത്തിച്ചു വരുന്നു. പ്രസ്തുത പദ്ധതിയുടെ ഭാഗമായി നടക്കുന്ന തദ്ദേശിയ നെൽ വിത്തുകളുടെ വിതരണം ഇന്ന് ആദരണിയ MLA Adv. T സിദ്ധിക്ക് അവർകൾ നിർവ്വഹിക്കുന്നു.
ജനപങ്കാളിത്തത്തോടെയുള്ള ജൈവവൈവിധ്യ സംരക്ഷണം ലക്ഷ്യമാക്കിയാണ് വയനാടൻ പാടങ്ങളിൽ നാടൻ നെല്ലിനങ്ങളുടെ ജനിതക ബാങ്കിന് RGCB തുടക്കം കുറിക്കുന്നത്.
