കരിങ്കോഴികള് പ്രധാനമായും മധ്യപ്രദേശുകരാണ്.കാടുകളില് വസിച്ചിരുന്ന ഇവയെ വീടുകളില് വളര്ത്താനാരംഭിച്ചതുമുതലാണ്് ഇവയുടെ ഔഷധഗുണങ്ങളെക്കുറിച്ച് അറിയുന്നത്.തൊലിയിലും ഇറച്ചിയിലും മറ്റുനാടന് കോഴികളില്നിന്നും വ്യത്യസ്ഥമാണ് കരിങ്കോഴികള്.പേരുപോലെത്തന്നെ തൂവലുകള് കറുത്തനിറത്തിലാണ് ഇവ കാണപ്പെടുക.ഇറച്ചിയും കറുപ്പ് നിറം കലര്ന്നതാണ്.പോഷകഗുണങ്ങള് ഏറെയായ കരിങ്കോഴികള്ക്ക് കേരളത്തില് ഇന്ന് ആവശ്യക്കാര് ഏറെയാണ്. കരിങ്കോഴികളുടെ പ്രത്യുല്പാതനം ഒരുകാലത്ത് നന്നെ കുറവായിരുന്നു.
അന്നെല്ലാം മധ്യപ്രദേശില് നിന്ന് നേരിട്ട് കേരളത്തിലേക്ക് ഇറക്കുമതി ചെയ്യുകയായിരുന്നു. എന്നാല് കേരളത്തിലിപ്പോള് വമ്പിച്ചതോതില് കരിങ്കോഴികളെ വിരിയിപ്പിച്ചെടുക്കുന്നുണ്ട്. ഇന്ന് കരിങ്കോഴികളുടെ ആവശ്യക്കാര് ഏറെയാണ്. ജെറ്റ് ബ്ലാക്ക്,ഗോള്ഡ്,സില്വര് നിറങ്ങളിലായി മൂന്നു നിറങ്ങളാണ് ഇവക്കുള്ളത്. കോഴിക്കുഞ്ഞുങ്ങളെ 45 ദിവസത്തെ പരിപാലത്തിന് ശേഷം വില്പ്പനക്കായും ഉപയോഗിക്കാം.
അത്തരത്തില് മികച്ച വരുമാനം നേടുകയാണ് വയനാട്-കല്പ്പറ്റ സ്വദേശി അബ്ദുള് റഹ്മാന്.കുറഞ്ഞ എണ്ണത്തില് നിന്നും തുടങ്ങിയ കരിങ്കോഴിക്കളെ നല്ല രീതിയില് പരിപാലിച്ച് മുട്ടകള് വിരിയിച്ച് വില്പ്പന നടത്തുകയാണ് ഇദ്ദേഹം. കടകളില് അമ്പതുരൂപക്ക് ലഭിക്കുന്ന മുട്ടകള് കാഴ്ചയില് മറ്റു നാടന്കോഴി മുട്ടകളെ അപേക്ഷിച്ച വലിപ്പം കുറവാണ്. കോഴിക്കഞ്ഞുങ്ങള് മുട്ടവിരിഞ്ഞിറങ്ങിയ ദിവസം ആദ്യം ഗ്ലൂക്കോസ് ലായനി രൂപത്തിലാക്കി നല്കണം.
Comments are closed.